ଗେଟ ୨୦୨୫ର ଫଳାଫଳ ଘୋଷଣା କରାଯାଇଛି । ମାର୍ଚ୍ଚ ୨୮ରେ ସ୍କୋରକାର୍ଡ ଜାରି କରାଯିବ । ପ୍ରାର୍ଥୀମାନେ ତଳେ ଦିଆଯାଇଥିବା ଲିଙ୍କକୁ ଯାଇ ନିଜ ନିଜର ରେଜଲ୍ଟ ଚେକ୍ କରିପାରିବେ । ଏଥିସହିତ ପ୍ରାର୍ଥୀମାନେ ଅଫିସିଆଲ ଓ୍ବେବସାଇଟକୁ ଯାଇ ଲଗିନ କରି ମଧ୍ୟ ଫଳାଫଳ ଚେକ କରିପାରିବେ । ଗତ ଫେବୃଆରୀ ୧ରୁ ୧୬ ତାରିଖ ପର୍ଯ୍ୟନ୍ତ ଏହି ପରୀକ୍ଷାର ଆୟୋଜନ କରାଯାଇଥିଲା । ପରୀକ୍ଷାରେ ସଫଳ ହୋଇଥିବା ପ୍ରାର୍ଥୀଙ୍କର ସ୍କୋରକାର୍ଡ ଆସନ୍ତା ୨୮ରେ ଜାରି କରାଯିବ । ପରୀକ୍ଷାର ଆୟୋଜନ ଜାତୀୟ ସ୍ତରରେ ଫେବୃଆରୀ ୧, ୨, ୧୫ ଓ ୧୬ରେ ହୋଇଥିଲା ।
ରେଜଲ୍ଟ ଚେକ୍ କରିବା ଲିଙ୍କ: https://goaps.iitr.ac.in/login
କଥାରେ ଅଛି ଜଳ ହିଁ ଜୀବନ । ଏକ ସୁସ୍ଥ ଶରୀର ପାଇଁ ପ୍ରଚୁର ମାତ୍ରାରେ ଜଳପାନ ଅପରିହାର୍ଯ୍ୟ । ବିଶେଷ କରି ଗରମ ସିଜିନରେ ଜଳର ଆବଶ୍ୟକତା ବହୁମାତ୍ରାରେ ବଢ଼ିଯାଇଥାଏ । ଏପରି ସ୍ଥିତିରେ ପର୍ଯ୍ୟାପ୍ତ ମାତ୍ରାରେ ପାଣି ନ ପିଇବା କାରଣରୁ ତା’ର ପ୍ରଭାବ ଆମ ଶରୀର ଉପରେ ପଡ଼ିଥାଏ । ଏହି କାରଣରୁ ମୁଣ୍ଡବ୍ୟଥା, ମୁଡ଼ ସ୍ବିଇଙ୍ଗସ ସମସ୍ୟା ହୋଇପାରେ । ଆପଣମାନେ ଯଦି କମ୍ ପାଣି ପିଉଛନ୍ତି, ତେବେ ସାବଧାନ ହୋଇଯାଆନ୍ତୁ । ଏଥିପାଇଁ ଆପଣଙ୍କୁ ବଡ଼ ସମସ୍ୟାର ସାମ୍ନା କରିବାକୁ ପଡ଼ିପାରେ ।
ୟୁଏସ ଜିଓଲୋଜିକାଲ ସର୍ଭେ ମୁତାବକ, ମାନବ ଶରୀରର ପାଖପାଖି ୬୦ ପ୍ରତିଶତ ଅଂଶ ପାଣି ଅଟେ । ସେଥିପାଇଁ ସେଲ୍ସକୁ ଇନ୍ଧନ ଦେବା ଓ ଶରୀରକୁ ସକ୍ରିୟ ରଖିବା ପାଇଁ ହାଇଡ୍ରେସନ ସ୍ତରକୁ ବଜାୟ ରଖିବା ଜରୁରୀ ହୋଇଥାଏ । ବର୍ଷର ସବୁ ସିଜିନରେ ଜଳର ଆବଶ୍ୟକତା ରହିଥାଏ । ମାତ୍ର ଗରମ ଦିନେ ଜଳର ଚାହିଦା ବହୁ ମାତ୍ରାରେ ବଢ଼ିଯାଇଥାଏ । ତାତି ଦିନରେ ହେଲଦୀ ରହିବା ପାଇଁ ହାଇଡ୍ରେଟ ରହିବା ଅତ୍ୟନ୍ତ ଜରୁରୀ । ମାତ୍ର ଅନେକ ସମୟରେ କିଛି ଲୋକ ପାଣି ପିଇବାକୁ ଅଣଦେଖା କରିଥାନ୍ତି । ଏହାର ପରିଣାମ ଅତ୍ୟନ୍ତ ଭୟଙ୍କର ହୋଇପାରେ ।
ଶରୀରରେ ପାଣିର ଅଭାବ ହେଲେ ସାଧାରଣ ଭାବେ ଏନର୍ଜୀ ସ୍ତରରେ ହ୍ରାସ ପରିଲକ୍ଷିତ ହୋଇଥାଏ । କାରଣ ପାଣି ଆମ ବ୍ରେନକୁ ଆଲର୍ଟ ରଖିବା ଓ ଶରୀରକୁ ବାଲାନ୍ସ ରଖିବାରେ ସହାୟକ ହୋଇଥାଏ । ଯଦି ଆପଣ ଅଧିକ ପାଣି ନ ପିଇବେ, ତେବେ ନିଜକୁ ସନ୍ଧ୍ୟା ପର୍ଯ୍ୟନ୍ତ ଆକ୍ଟିଭ ରଖିବା ପାଇଁ ଥକ୍କା ଅନୁଭବ ହୋଇଥାଏ । ଆମ ଶରୀର ଓ ବ୍ରେନ ଠିକ୍ ଭାବେ କାମ କରିବା ପାଇଁ ପାଣିର ଆବଶ୍ୟକତା ରହିଥାଏ । କମ୍ ପାଣି ପିଇଲେ ମେମୋରୀର କାର୍ଯ୍ୟକ୍ଷମତା ଉପରେ ନେଗେଟିଭ୍ ପ୍ରଭାବ ପଡ଼ିଥାଏ ।
ଜର୍ଣ୍ଣାଲ ଅଫ କ୍ଲିନିକାଲ ନ୍ୟୁରୋସାଇନ୍ସରେ ୨୦୨୦ରେ ପ୍ରକାଶ ପାଇଥିବା ଅଧ୍ୟୟନ ରିପୋର୍ଟ ମୁତାବକ, ଡିହାଇଡ୍ରେସନ ଦ୍ବାରା ଷ୍ଟ୍ରୋକ ଆଶଙ୍କା ବଢ଼ିଯାଇଥାଏ । କେବଳ ଏତିକି ନୁହେଁ, ଏହି କାରଣରୁ ଆପଣଙ୍କୁ ଷ୍ଟ୍ରୋକ ହେଲେ, ରିକଭରି ହେବାକୁ ସମୟ ଲାଗିପାରେ । ନିଜର କାର୍ଡିଓଭାସ୍କୁଲାର ସିଷ୍ଟମକୁ ସୁଦୃଢ଼ ରଖିବା ପାଇଁ ହେଲେ ଆପଣ କେତେ ପାଣି ପିଉଛନ୍ତି ତା’ ଉପରେ ଧ୍ୟାନ ଦେବା ଆବଶ୍ୟକ । ପାଣି କମ୍ ପିଇଲେ ଆମର ଚର୍ମ ମଧ୍ୟ ପ୍ରଭାବିତ ହୋଇଥାଏ । କମ୍ ପାଣି ପିଇଲେ ବୟସ ବଢ଼ିବାର ପ୍ରକ୍ରିୟା ଦ୍ରୁତ ହୋଇଥାଏ ।
ବାରିପଦା: ଦାରିଦ୍ର୍ୟର ଦାରୁଣ ଦୁଃଖ। ନାତିକୁ ଅନ୍ୟ ଲୋକ ହାତରେ ଟେକିଦେଲା ଜେଜେ ମା’। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଲକ କରଞ୍ଜପଡାରେ। ଆଜକୁ ମାସେ ହେବ ବସଷ୍ଟାଣ୍ଡରେ ଅସହାୟ ଭାବେ ଆଶ୍ରୟ ନେଇଛନ୍ତି ଜଣେ ବୃଦ୍ଧା । ମାଗିଯାଚି ଖାଉଥିବା ବେଳେ ୫ ବର୍ଷ ବୟସର ନାତିର ବୋଝକୁ ସମ୍ଭାଳି ପାରୁନଥିଲେ। ଗତକାଲି ରାତିରେ ବାଲେଶ୍ୱର ଜିଲ୍ଲା ଖନ୍ତାପଡାର ଜଣେ ବ୍ୟକ୍ତି ତାଙ୍କୁ ୨୦୦ ଟଙ୍କା ଦେଇ ନାତିକୁ ନେଇଯାଇଥିବା କହିଛନ୍ତି । ଏହା ସହ ତାଙ୍କ ଫୋନ ନମ୍ବର ମଧ୍ୟ ଦେଇଯାଇଥିବା କହିଛନ୍ତି । ବୃଦ୍ଧା ଜଣଙ୍କ ହେଲେ ମନ୍ଦ ହେମ୍ବ୍ରମ। ତାଙ୍କର ବାସସ୍ଥାନ ନଥିବା ବେଳେ ସେ ସରାକାରୀ ସହାୟତାରୁ ବଞ୍ଚିତ ହୋଇଥିବା ଅଭିଯୋଗ ହୋଇଛି।
ଭୁବନେଶ୍ବର: ଜଳୁଛି ଆଭ୍ୟନ୍ତରିଣରୁ ଉପକୂଳ ଓଡ଼ିଶା । ଅସହ୍ୟ ଗ୍ରୀଷ୍ମ ପ୍ରବାହରେ କଲବଲ ହେଉଛନ୍ତି ରାଜ୍ୟବାସୀ। ଆଜି ଦିନ ସାଢ଼େ ୧୧ଟା ୩୦ ସୁଦ୍ଧା ବଲାଙ୍ଗୀରରେ ସର୍ବାଧିକ ତାପମାତ୍ରା ରେକର୍ଡ । ବଲାଙ୍ଗୀରରେ ସର୍ବାଧିକ ତାପମାତ୍ରା ୪୦.୪ ଡିଗ୍ରୀ ରେକର୍ଡ ହୋଇଛି। । ସେହିପରି ଝାରସୁଗୁଡ଼ାରେ ୩୯ ଦଶମିକ ୮ ଡିଗ୍ରୀ, ସମ୍ଵଲପୁରରେ ୩୯ ଦଶମିକ ୭ ଡିଗ୍ରୀ, ହୀରାକୁଦରେ ୩୯ ଦଶମିକ ୧ ଡିଗ୍ରୀ, ଭବାନୀପାଟଣାରେ ୩୮ ଦଶମିକ ୫ ଡିଗ୍ରୀ, ଟିଟିଲାଗଡ଼ରେ ୩୯ ଡିଗ୍ରୀ, ରାଉରକେଲାରେ ୩୭ ଦଶମିକ ୮ ଡିଗ୍ରୀ, ଭୁବନେଶ୍ଵରରେ ୩୪ ଦଶମିକ ୬ ଡିଗ୍ରୀ, କେନ୍ଦୁଝରରେ ୩୨ ଦଶମିକ ୧ ଡିଗ୍ରୀ ରେକର୍ଡ କରାଯାଇଛି । ୨୦ ତାରିଖ ବେଳକୁ କମିବ ତାପମାତ୍ରା । ୨ ରୁ ୪ ଡିଗ୍ରୀ ତାପମାତ୍ରା ହ୍ରାସ ହେବାର ସମ୍ଭାବନା ରହିଛି । ତାପମାତ୍ରା ହ୍ରାସ ସହ ୩ ଦିନ ପରେ ବିଜୁଳି ଘଡଘଡି ସହ କିଛି ଜିଲ୍ଲାରେ ବର୍ଷାର ପୂର୍ବାନୁମାନ କରିଛି ପାଣିପାଗ ବିଭାଗ ।
ସୁନା ଦର ଦିନକୁ ଦିନ ବଢ଼ିବା ସହ ଗୋଟିଏ ପରେ ଗୋଟିଏ ନୂଆ ରେକର୍ଡ କରିଚାଲିଛି । ଏହା ମଧ୍ୟରେ ସୁନା ଦର ଇତିହାସ ରଚିଛି । ମାର୍ଚ୍ଚ ୧୯ରେ ଲଗାତର ଦ୍ବିତୀୟ ଦିନରେ ସୁନା ଦର ନୂଆ ରେକର୍ଡ କରିଛି । ମିଡିଲ ଇଷ୍ଟରେ ସୃଷ୍ଟି ହୋଇଥିବା ଉତ୍ତେଜନା ପରିସ୍ଥିତି ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଟାରିଫ ନୀତିର ଆର୍ଥିକ ପ୍ରଭାବ ସୁନାର ’ସୁରକ୍ଷିତ ନିବେଶ’ ଛବିକୁ ଆହୁରି ମଜବୁତ କରିଛି । MCX ଗୋଲ୍ଡ (୫ ଏପ୍ରିଲ କଣ୍ଟ୍ରାକ୍ଟ)ର ଦର ୦.୨୦ ପ୍ରତିଶତ ବଢ଼ି ୧୦ ଗ୍ରାମ ପିଛା ଦର ୮୮,୮୯୦ ଟଙ୍କାରେ ପହଞ୍ଚି ଯାଇଛି ।
ଇସ୍ରାଏଲ ଓ ଫିଲିସ୍ତିନୀ ମିଲିଟାଣ୍ଟ ଗ୍ରୁପ ହମାସ ମଧ୍ୟରେ ବଢ଼ୁଥିବା ସଂଘର୍ଷ ଭୂ-ରାଜନୈତିକ ମୋର୍ଚ୍ଚା ଉପରେ ନୂଆ ଅନିଶ୍ଚିତତା ସୃଷ୍ଟି କରିଛି । ଫଳରେ ସୁନା ଦରକୁ ସପୋର୍ଟ ମିଳୁଛି । ଏକ ରିପୋର୍ଟ ମୁତାବକ ଇସ୍ରାଏଲ ବିମାନ ଆକ୍ରମଣରେ ୪୦୦ରୁ ଅଧିକ ଲୋକଙ୍କର ମୃତ୍ୟୁ ଘଟିଛି । ଦୁଇ ମାସ ମଧ୍ୟରେ ଯୁଦ୍ଧବିରାମର ସମ୍ଭାବନା ସମାପ୍ତ ହୋଇଯାଇଛି । କାରଣ ହମାସ କବଜାରେ ଥିବା ବନ୍ଧକଙ୍କୁ ମୁକ୍ତ କରିବାକୁ ଓ ଅଧିକ ବଳ ପ୍ରୟୋଗ କରିବାକୁ ଇସ୍ରାଏଲ ଘୋଷଣା କରିଥିବା ଫିଲିସ୍ତିନୀ ସ୍ବାସ୍ଥ୍ୟ ଅଧିକାରୀ ସୂଚନା ଦେଇଛନ୍ତି । ଏବେ ସଭିଙ୍କ ନଜର ୟୁଏସ ଫେଡେରାଲ ରିଜର୍ଭର ମୁଦ୍ରା ନୀତି ଓ ଫେଡ ଚେୟାରମ୍ୟାନଙ୍କ ଆର୍ଥିକ ବିକାଶ ଓ ମୁଦ୍ରାସ୍ଫୀତି ପ୍ରାଜେକ୍ସନ ଉପରେ ରହିଛି । ଟ୍ରମ୍ପଙ୍କ ଆକ୍ରମଣାତ୍ମକ ଟାରିଫ ନୀତି କାରଣରୁ ଅନିଶ୍ଚିତତା ବୃଦ୍ଧି ପାଇଥିବା ବେଳେ ଏପରି ସ୍ଥିତିରେ ଫେଡ ସୁଧ ହାର ହ୍ରାସ କରିବ ବୋଲି ଏକ୍ସପର୍ଟ ଆଶା କରିଛନ୍ତି ।
ଆସିକା: ଆସିକା ଧରାକୋଟ ବ୍ଲକ ବଡ଼ଗଡ଼ ଥାନା ଖାରିପଲ୍ଲୀରେ ଗୋଷ୍ଠୀ ସଂଘର୍ଷ। ଗୋଷ୍ଠୀ ସଂଘର୍ଷରେ ୩ ଜଣଙ୍କର ମୃତ୍ୟୁ ହୋଇଛି । ଗୋଟିଏ ଗୋଷ୍ଠୀର ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଗୋଷ୍ଠୀର ଜଣକର ମୃତ୍ୟୁ ହୋଇଛି । ସଂଘର୍ଷରେ ୩ ଜଣ ଗୁରୁତର ଆହତ ହୋଇଛନ୍ତି । ସଂଘର୍ଷରେ ଗୋଟିଏ ଗୋଷ୍ଠୀର ମୃତ୍ୟୁ ହୋଇଥିବା ୨ ଜଣଙ୍କ ମଧ୍ୟରେ ରହିଛନ୍ତି ବାପା ଓ ପୁଅ । ସେମାନେ ହେଲେ ଖଦାଳ ବେହେରା ଓ ରତ୍ନାକର ବେହେରା। ଅନ୍ୟ ଗୋଷ୍ଠୀର ମୃତକ ହେଲେ ରମେଶ ବେହେରା। ୩ ମୃତଦେହକୁ ପୋଲିସ ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛି। ଗୁଣିଗାରେଡି ଘଟଣାକୁ ନେଇ ଗତକାଲି ଖାରିପଲ୍ଲୀରେ ଏକ ବୈଠକ ବସିଥିଲା। ବୈଠକ ପରେ ଦୁଇ ଗୋଷ୍ଠୀ ମଧ୍ୟରେ ପ୍ରଥମେ କଥା କଟାକଟି ଓ ପରେ ସଶସ୍ତ୍ର ଆକ୍ରମଣ ହୋଇଥିଲା। ଗୋଷ୍ଠୀ ସଂଘର୍ଷ ପରେ ଗାଁରେ ଚାପା ଉତ୍ତେଜନା ଲାଗି ରହିଛି। ଦୁଇ ପ୍ଲାଟୁନ ପୋଲିସ ପୋର୍ସ ସହ ଦୁଇ ଅତିରିକ୍ତ ଆରକ୍ଷୀ ଅଧିକାରୀ, ଆସିକା SDPO, ଧରାକୋଟ ତହସିଲଦାର ଓ ୫ ଥାନାର IIC ରହି ତଦନ୍ତ କରୁଛନ୍ତି। ଏହି ଘଟଣାରେ ୧୦ ଜଣଙ୍କୁ ଅଟକ ରଖି ପଚରାଉଚରା ଜାରି ରଖିଛି ପୋଲିସ।
ନିଆଳି: କଟକ ନିଆଳି ଚିତ୍ତରଞ୍ଜନ ସେବା ସଦନରେ ଅଭାବନୀୟ ଘଟଣା। ପୁରୁଷ କର୍ମଚାରୀଙ୍କ ଛୁରାମାଡ଼ରେ ମହିଳା କର୍ମଚାରୀ ଆହତ। ଅଭିଯୁକ୍ତକୁ ପୋଲିସର ହସ୍ତାନ୍ତର କଲେ ସେବାସଦନ କର୍ତ୍ତୃପକ୍ଷ। ଆହତ ମହିଳା କର୍ମଚାରୀଙ୍କ ଚାଲିଛି ଚିକିତ୍ସା। ପ୍ରେମ ବ୍ୟାପାରକୁ ନେଇ ଛୁରାମାଡ଼ ହୋଇଥିବା ସନ୍ଦେହ କରାଯାଉଛି।
ବଲିଉଡ ଅଭିନେତା ଅମିର ଖାନ ତାଙ୍କର ନୂଆ ପାର୍ଟନରଙ୍କ ପାଇଁ ବର୍ତ୍ତମାନ ସମୟରେ ବେଶ ଚର୍ଚ୍ଚାରେ ରହିଛନ୍ତି । ଅମିରଙ୍କୁ ଏବେ ୬୦ ବର୍ଷ ହୋଇଥିବା ବେଳେ ସେ ଏବେ ଗୌରୀ ସ୍ପ୍ରେଟଙ୍କୁ ଡେଟ କରୁଛନ୍ତି । ଅମିରଙ୍କର ଦୁଇ ପତ୍ନୀଙ୍କ ସହ ତଲାକ ହୋଇସାରିଥିବା ବେଳେ ସେ ଏବେ ୩ଟି ସନ୍ତାନର ପିତା ଅଟନ୍ତି । ନିକଟରେ ନିଜର ଜନ୍ମଦିନ ଅବସରରେ ଅମିର ତାଙ୍କର ଗାର୍ଲଫ୍ରେଣ୍ଡଙ୍କୁ ନେଇ ଖୁଲାସା କରିଥିଲେ । ଏହାପରେ ଅମିରଙ୍କ ବିଷୟରେ ଲୋକମାନେ ନାନା ପ୍ରକାରର ଆଲୋଚନା କରିଥିଲେ । ଏହା ମଧ୍ୟରେ ବଲିଉଡ ଫିଲ୍ମମେକର ବିକ୍ରମ ଭଟ୍ଟ ଅଭିନେତାଙ୍କ ଏହି ରିଲେସନଶିପକୁ ନେଇ ନିଜର ରାୟ ରଖିଛନ୍ତି ।
ଗୌରୀ ବେଙ୍ଗାଲୁରୁର ଜଣେ ମହିଳା ବ୍ୟବସାୟୀ ଓ ତାଙ୍କର ୬ ବର୍ଷର ଏକ ପୁଅ ରହିଛି । ଗୌରୀ ଅଭିନେତାଙ୍କୁ ଦୁଇ ଦଶନ୍ଧି ଧରି ଜାଣିଛନ୍ତି ଓ ୧୮ ମାସ ତଳେ ସେ ଅମିରଙ୍କ ଜୀବନରେ ଆସିଥିଲେ । ଅଧିକ ବର୍ଷରେ ପ୍ରେମ କରିବାକୁ ନେଇ ବିକ୍ରମ ନିଜର ରାୟ ଦେଇଛନ୍ତି । ସେ ଯଦି ୫୦ ବର୍ଷରେ ବିବାହ କରିପାରୁଛନ୍ତି, ଅମିର ୬୦ ବର୍ଷରେ ପାର୍ଟନର କାହିଁକି ଖୋଜିପାରିବେନି ବୋଲି ବିକ୍ରମ ପ୍ରଶ୍ନ କରିଛନ୍ତି । ବୟସ କେବଳ ଏକ ନମ୍ବର । ଖୁସି ପାଇବାର କୌଣସି ବୟସ ନଥାଏ । ବୟସ ଯେତିକି ଯେତିକି ଆଗକୁ ବଢ଼େ, ସେପରି ସ୍ଥିତିରେ ଖୁସି ପାଇବାର କୌଣସି ବୟସ ନଥାଏ । ଜୀବନ ଆଗକୁ ବଢ଼ିବା ସମୟରେ ଏହା ସମ୍ପର୍କ ଓ ସେକ୍ସୁଆଲିଟି ବିଷୟରେ ରହିନଥାଏ । ଏପରି ସ୍ଥିତିରେ ଏକୁଟିଆ ପଣ ବଦଳରେ ସାଥୀ ବିଷୟରେ ଅଧିକ ରହିଥାଏ । ଏପରି ସ୍ଥିତିରେ ଜଣେ ଯଦି ଆପଣଙ୍କୁ ବୁଝିପାରୁଥିବ, ତେବେ ସବୁ କିଛି ଠିକ୍ ହୋଇଯିବ । ଯଦି ଅମିରଙ୍କୁ ଏଭଳି ଜଣେ ମଣିଷ ମିଳିଯାଇଛନ୍ତି, ତେବେ ସେଥିପାଇଁ ସେ ବହୁତ ଖୁସି । ସେ ଏଥିପାଇଁ ଅମିରଙ୍କୁ ଶୁଭକାମନା ଜଣାଉଛନ୍ତି ବୋଲି ବିକ୍ରମ କହିଛନ୍ତି ।
କଟକ: ଆଜିଠାରୁ ମାଟ୍ରିକ ପରୀକ୍ଷା ଖାତାଦେଖା ଆରମ୍ଭ। ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ମାଟ୍ରିକ ପରୀକ୍ଷାର ଖାତା ମୂଲ୍ୟାୟନ ଆରମ୍ଭ ହୋଇଛି। ରାଜ୍ୟରେ ଏଥର ୫ ଲକ୍ଷ ୨୦ ହଜାର ପରୀକ୍ଷାର୍ଥୀ ମାଟ୍ରିକ, ମଧ୍ୟମା ଓ ରାଜ୍ୟ ଓପନ ସ୍କୁଲ ସାର୍ଟିଫିକେଟ ପରୀକ୍ଷା ଦେଇଥିବା ବେଳେ ୫୧ ଟି ପରୀକ୍ଷା କେନ୍ଦ୍ରରେ ଖାତା ଦେଖା ଆରମ୍ଭ ହୋଇଛି। ପ୍ରାୟ ୧୨ ହଜାର ଶିକ୍ଷକ ଶିକ୍ଷୟିତ୍ରୀ ମୂଲ୍ୟାୟନ କାମରେ ନିୟୋଜିତ ହୋଇଛନ୍ତି। ମୂଲ୍ୟାୟନ ଏକ ଗୁରୁତ୍ୱପୂର୍ଣ୍ଣ କାମ ହୋଇଥିବାରୁ ଏହାକୁ ଦାୟିତ୍ବ ର ସହ ସମ୍ପାଦନ କରିବାକୁ ଲକ୍ଷ୍ଯ ରଖିଛନ୍ତି ଶିକ୍ଷକ ଶିକ୍ଷୟିତ୍ରୀ।
ଭୁବନେଶ୍ବର: ଦିନ ୧୨ଟା ଯାଏଁ ଗୃହ ମୁଲତବି । ବିରୋଧୀଙ୍କ ହଟ୍ଟଗୋଳ ଯୋଗୁଁ ଗୃହକୁ ଦିନ ୧୨ଟା ଯାଏଁ ମୁଲତବୀ ରଖିଲେ ବାଚସ୍ପତି । ବିଧାନସଭା ବଜେଟ ଅଧିବେଶନର ଆଜିର ପ୍ରଶ୍ନ ଉତ୍ତର କାଳ ଅରମ୍ଭରୁ ଗୃହରେ ହଟ୍ଟଗୋଳ । ନାରୀ ସୁରକ୍ଷା ନେଇ ମୁଖ୍ୟମନ୍ତ୍ରୀଙ୍କ ବିବୃତ୍ତି ଦାବି କରି କଂଗ୍ରେସ ସଦସ୍ୟ ଗୃହ ମଧ୍ୟଭାଗକୁ ଆସି ପ୍ରତିବାଦ କରିଛନ୍ତି । ନାରୀଙ୍କ ସୁରକ୍ଷା ଦାବିରେ କଂଗ୍ରେସ ବିଧାୟକମାନେ ଗୃହ ମଧ୍ୟଭାଗକୁ ଆସି ହଟ୍ଟଗୋଳ କରିଥିଲେ । ନାରୀ ସୁରକ୍ଷା ପାଇଁ ଗୃହ କମିଟି ଦାବି ଦୋହରାଇଛି କଂଗ୍ରେସ । ପ୍ରବଳ ହଟ୍ଟଗୋଳ ଯୋଗୁଁ ବାଚସ୍ପତି ଗୃହ କାର୍ଯ୍ୟକୁ ଦିନ ୧୨ଟା ଯାଏ ମୁଲତବି ରଖିଛନ୍ତି ।
