ଚୌଦ୍ଵାର ବିରୂପା ନଦୀରେ ବ୍ରିଟିଶ ଅମଳର କେନାଲ ଠାବ

କଟକ: ଚୌଦ୍ଵାର ବିରୂପା ନଦୀରେ ବ୍ରିଟିଶ ଅମଳର କେନାଲ ଠାବ । ମଙ୍ଗଳବାର କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀ ସମ୍ପୃକ୍ତ ଅଞ୍ଚଳରେ ପହଞ୍ଚି କେନାଲର ସ୍ଥିତି ସମୀକ୍ଷା କରିଛନ୍ତି । ତୁରନ୍ତ କେନାଲରେ ଉଠିଥିବା ଗଛ ଓ ନିକଟବର୍ତ୍ତୀ ସ୍ଥାନକୁ ସଫା କରିବାକୁ ସେ ଜଳସମ୍ପଦ ବିଭାଗକୁ ନିର୍ଦେଶ ଦେଇଛନ୍ତି ।

ଏହି କେନାଲର ପୁନରୁଦ୍ଧାର କରାଯିବା ସହିତ ଏଠାରେ ବୋଟିଂ କମ୍ପ୍ଲେକ୍ସ କରାଯିବ । ଏହି ସ୍ଥାନ ରାଜ୍ୟ ପର୍ଯ୍ୟଟନ ମାନଚିତ୍ରରେ ସ୍ଥାନ ପାଇବ ବୋଲି କଟକ ଜିଲ୍ଲାପାଳ କହିଛନ୍ତି । ଏଥିପାଇଁ ଏକ ଉଚ୍ଚ କ୍ଷମତାସମ୍ପନ ଟିମ୍‌ ବିଭିନ୍ନ ବିଭାଗକୁ ନେଇ ତିଆରି କରାଯାଇଛି ।