ଦେଶକୁ ମିଳିଲା ତୃତୀୟ ଟିକା, ‘ସ୍ପୁଟନିକ-ଭି’ କୁ ଅନୁମତି

1 min read

ନୂଆଦିଲ୍ଲୀ: ଦେଶରେ ପୁନର୍ବାର କୋଭିଡ ଆତଙ୍କ ରଚିଲାଣି । ଦୈନିକ ସଂକ୍ରମଣ ଲକ୍ଷେ ଟପିଲାଣି । ମୃତ୍ୟୁ ସଂଖ୍ୟା ମଧ୍ୟ ସେହି ଆଧାରରେ ବଢିଚାଲିଛି । ଆଉ ଏଭଳି ସ୍ଥତିରେ ଆସ୍ବସ୍ତି କରିଛି ଟିକା ଖବର । ପୁଣି ଭାରତକୁ ମିଳିବାକୁ ଯାଉଛି ଆଉ ଏକ ଟିକା । ସ୍ପୁଟନିକ-ଭି ନାମକ ତୃତୀୟ ଭ୍ୟାକ୍ସନିକୁ ମିଳିଛି ମଞ୍ଜୁରୀ । ସଞ୍ଜେକ୍ଟ ଏକ୍ସପର୍ଟ କମିଟି SEC ଋଷ ଦ୍ବାରା ନିର୍ମିତି ଏହି ଟିକାକୁ ପରୀକ୍ଷା ନିମନ୍ତେ ମଞ୍ଜୁରୀ ଦେଇଛି । ଅର୍ଥାତ ଭାରତରେ ଏହି ନୂତନ ଟିକା ବ୍ୟବହାର ପାଇଁ ଅନୁମତି ମିଳିଛି ।

ପୂର୍ବରୁ ସ୍ପୁଟନିକ-ଭି ପରୀକ୍ଷାମୂଳକ ଭାବେ ବ୍ୟବହାର କରାଯାଇଥିଲା । ଏହାଦ୍ବାରା କୌଣସି ପାର୍ଶ୍ୱ ପ୍ରତିକ୍ରିୟା ପ୍ରକାଶ ପାଇନଥିଲା । ବଂର ଏହା ସଫଳ ହୋଇଥବା ନେଇ କମ୍ପାନୀ କମିଟି ପାଖରେ ତଥ୍ୟ ଉପସ୍ଥାପନା କରିଛି । ସୂଚନା ମୁତାବକ ସ୍ପୁଟନିକ-ଭି ଋଷ କମ୍ପାନୀ ଦ୍ବାରା ନିର୍ମିତ । ହାଇଦ୍ରାବାଦରେ ଡ. ରେଡ୍ଡୀ ଲାବ୍ସ ସହ ମିଶି ପରୀକ୍ଷାମୂଳକ ଭାବେ ବ୍ୟବହାର ମଧ୍ୟ କରାଯାଇଥିଲା । ଗୋଟେପଟେ କମ୍ପାନୀକୁ ବ୍ୟବହାର ପାଇଁ ଅନୁମତି ମିଳିନଥବା ବେଳେ ମଧ୍ୟ କମ୍ପାନୀ ଭ୍ୟକ୍ସିନ ପ୍ରସ୍ତୁତ ଜାରି ରଖିଥିଲା ।

ଦେଶରେ କୋଭିଡ ସଂକ୍ରମଣ ବୃଦ୍ଧି ଘଟିଚାଲିଛି । ଦୁଇଟି କମ୍ପାନୀ ଦ୍ବାରା ନିର୍ମିତ ଭ୍ୟାକ୍ସିନ ବ୍ୟବହାର କରାଯାଉଛି । ସ୍ପୁଟଚନିକ-ଭି କମ୍ପାନୀଙ୍କୁ ବ୍ୟବହାର ପାଇଁ ଅନୁମତି ମିଳିବା ଦେଶ ପାଇଁ ଆଶ୍ୱସ୍ତିକର ଖବର । ଏବେ ମଧ୍ୟ କୋଭିଡ ଟିକାକରଣ ଦେଶରେ ଜାରି ରହିଛି  । କିନ୍ତୁ ଆବଶ୍ୟକ ଅନୁଯାୟୀ ଟିକା ମିଳୁନଥିବା ଅନେକ ରାଜ୍ୟ ଅଭିଯୋଗ ଆଣିଛନ୍ତି  । ଏପରି ସ୍ଥଳେ ଅନ୍ୟ ଏକ ଟିକାକୁ ବ୍ୟବହାର ପାଇଁ ଅନୁମତି ମିଳିବା ଦ୍ବାରା ପୁନର୍ବାର ଟିକାକରଣ ପ୍ରକ୍ରିୟା ତ୍ବରାନିତ କରାଯାଇପାରିବ  ।

Leave a Reply