ଚର୍ଚ୍ଚାରେ ଚଣ୍ଡିଗଡ଼ ମେୟର ନିର୍ବାଚନ, ଅଧିକ ଭୋଟ ପାଇ ମଧ୍ୟ ଇଣ୍ଡିଆ ମେଣ୍ଟକୁ ଲାଗିଲା ଝଟକା

ନନ୍ଦିଘୋଷ ବ୍ୟୁରୋ: ଚଣ୍ଡିଗଡ଼ ମେୟର ନିର୍ବାଚନରେ ଇଣ୍ଡିଆ ମେଣ୍ଟକୁ ଲାଗିଛି ଝଟକା । ୩୬ଟି ଭୋଟରୁ ଇଣ୍ଡିଆ ମେଣ୍ଟକୁ ୨୦ ଏବଂ ବିଜେପିକୁ ୧୬ ଭୋଟ ମିଳିଥିଲା । ମାତ୍ର ୮ଟି ଭୋଟ ନାକଚ ଘୋଷଣା ହେବା ପରେ ବିଜେପି ବିଜୟୀ ହୋଇଛି । ତେବେ ଆପ ପକ୍ଷରୁ କୋର୍ଟଙ୍କ ଦ୍ବାରସ୍ଥ ହେବାକୁ ସୂଚନା ଦିଆଯାଇଛି । କହି ରଖୁଛୁ କି, ଚଣ୍ଡିଗଡ଼ ମେୟର ନିର୍ବାଚନରେ ଆପ ଏବଂ କଂଗ୍ରେସ ମିଳିତଭାବେ କୁଳଦୀପ ସିଂଙ୍କୁ ଟିକେଟ ଦେଇଥିଲେ । ବିଜେପି ମନୋଜ କୁମାର ସୋନକରଙ୍କୁ ପ୍ରାର୍ଥୀ କରିଥିଲା । ତେବେ ମେଣ୍ଟ ୨୦ଟି ଭୋଟ ଭାଇଥିଲା ମାତ୍ର ୮ ନାଚକ ଘୋଷଣା କରାଯିବା ପରେ ବିଜେପି ପ୍ରାର୍ଥୀ ମନୋଜ କୁମାର ସୋନକର ବିଜୟୀ ହୋଇଛନ୍ତି । ଆସନ୍ତା ନିର୍ବାଚନ ପୂର୍ବରୁ ଏହା ସେମିଫାଇନାଲ ସଦୃଶ ରହିଥିବାବେଳେ ଇଣ୍ଡିଆ ମେଣ୍ଟକୁ ଝଟକା ଲାଗିଛି ।