କାକୁଡି ଚାଷ କରି ସ୍ଵାବଲମ୍ବୀ ଧର୍ମଶାଳା ବ୍ଲକ ଜେନାପୁର ଅଞ୍ଚଳର ଚାଷୀ

ଚଣ୍ଡିଖୋଲ :  ଯେଉଁ ଆଡେ ଦେଖିବେ ଖାଲି କାକୁଡି ଆଉ କାକୁଡି । ଭାଡିରେ ଓହଳିଛି ତଟକା କାକୁଡି । ଯାଜପୁର ଜିଲ୍ଲା ଧର୍ମଶାଳା ବ୍ଲକ ଜେନାପୁର ଅଞ୍ଚଳର ଚାଷୀ ମାନେ କରୁଛନ୍ତି ଏଭଳି ଚାଷ । ପ୍ରଥମେ କାକୁଡି ମଞ୍ଜି ଆଣି ଚାରା ପ୍ରସ୍ତୁତ କରିଛନ୍ତି । ପରେ ଚାରା ଲଗାଇ ସାର, ଔଷଧ ଓ ପାଣି ଦେଇ ଏକର ଏକର ଜମିରେ କାକୁଡି ଚାଷ କରିଛନ୍ତି । ସେଥିରୁ କୁଇଣ୍ଟାଲ କୁଇଣ୍ଟାଲ କାକୁଡି ମଧ୍ଯ ଉତ୍ପାଦନ ହେଉଛି । ବଜାରରେ କାକୁଡିର ଭଲ ଚାହିଦା ରହିଥିବା ବେଳେ ଚାଷୀ ବେଶ ଲାଭବାନ ହେଉଛନ୍ତି ।

ଜେନାପୁର ଅଞ୍ଚଳ କାକୁଡିର ରହିଛି ବେଶ ଚାହିଦା । ବିଭିନ୍ନ ଅଞ୍ଚଳରୁ ବ୍ୟବସାୟୀ ମାନେ ଆସି ଟନଟନ କାକୁଡି କିଣି ନେଉଛନ୍ତି । ବିଶେଷ କରି ଏଠାରୁ କାକୁଡି ରାଜ୍ୟର ବିଭିନ୍ନ ଜିଲ୍ଲାକୁ ଯାଉଥିବା ରାଜ୍ଯ ବାହାରକୁ ବି ରପ୍ତାନୀ ହେଉଛି । ଚଳିତ ଥର ଭଲ ରୋଜଗାର ହେବ ବୋଲି ଆଶା ରଖିଛନ୍ତି ଚାଷୀ ।