ଗୁଣୁପୁର : ନେଟଓ୍ବାର୍କ ଖୋଜିବାକୁ ପାହାଡ ଚଢୁଛନ୍ତି ୮ ଖଣ୍ଡ ଗ୍ରାମବାସୀ। ଗୁଣୁପୁର ବ୍ଲକ୍ ନିକଟବର୍ତ୍ତୀ ଚିନାସାରି ପଞ୍ଚାୟତ ଲୋକେ ନେଟ୍ଓ୍ବାର୍କ ନଥିବାରୁ ନାନା ସମସ୍ଯାର ସାମ୍ନା କରୁଛନ୍ତି। ରାସନକାର୍ଡଧାରୀ ମାନେ ନିଜର ଇକେଓ୍ବାଇସି କରିବା ପାଇଁ ଲୋକେ ଦିନ ତମାମ ନେଟ୍ଓ୍ବାର୍କ ପାଇଁ ଜଗି ରହୁଛନ୍ତି। କିଛ ଦିନ ତଳେ ଏହି ପଞ୍ଚାୟତର ପେରେଣ୍ଡା ଗ୍ରାମାଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଥିଲା। ପୁଣି ଏବେ ଚିନାସାରି ପଞ୍ଚାୟତର କୁଟୁଣି ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳୁଛି। ଚିନାସାରି ପଞ୍ଚାୟତର କୁଟୁଣୀ, ରୁମ୍ଭାତି, ପଦାସାହି, ମେଡିୟମ୍, ଖିଲାମୁଣ୍ଡା, ବାଙ୍କକଣ୍ଡା, ବାଙ୍କଡେ, ଡାଙ୍ଗସିଂ ଗାଁର ଲୋକ ଆଜି ଜଙ୍ଗଲ ଚଢିବା ଦେଖିବାକୁ ମିଳିଛି। ଜିଲ୍ଲାପାଳଙ୍କ ନିକଟରେ ଏନେଇ ଅଭିଯୋଗ ହୋଇଥିଲା। କିନ୍ତୁ ସମସ୍ଯାର କୌଣସି ସମାଧାନ ହୋଇନାହିଁ।
