ଓଡ଼ିଶା ଜଗରନଟ୍ସର କୋଚ ଓ ଖେଳାଳିଙ୍କୁ ପ୍ରେରଣା ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଓଡିଶା ଜଗରନଟ୍ସର କୋଚ ଓ ଖେଳାଳିଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରେରଣା । ଆସନ୍ତାକାଲି ହେବାକୁ ଥିବା ଅଲଟିମେଟ ଖୋଖୋ ଲିଗ ଫାଇନାଲରେ ବିଜୟ ହାସଲ ଲାଗି ଦେଇଛନ୍ତି ଶୁଭେଚ୍ଛା । ଗୁଜରାଟ ଜିଆଣ୍ଟସ ସହ ମ୍ୟାଚରେ ଉଲ୍ଲେଖନୀୟ ପ୍ରଦର୍ଶନ କରିଥିବା ଓଡିଶା ଜଗରନଟସର କ୍ରୀଡ଼ା ନୈପୁଣ୍ୟକୁ ଭରପୂର ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ । ଗତକାଲିର ଏହି ମ୍ୟାଚରେ ଗୁଜରାଟ ଜିଆଣ୍ଟସକୁ ପରାସ୍ତ କରିଥିଲା ଓଡିଶା ଜଗରନଟସ ।

ଫାଇନାଲରେ ଯେପରି ଓଡିଶା ଜଗରନଟସ ଗୌରବ ବଜାୟ ରଖିବ ସେଥିଲାଗି ପ୍ରେରଣା ଦେଇଛନ୍ତି ସିଏମ । ଭିଡିଓ କନଫରେନ୍ସର ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା ପାଇ ବେଶ୍ ଉତଫୁଲ୍ଲିତ ହୋଇଛନ୍ତି କୋଚ ଓ କ୍ରୀଡାବିତ । ବାଜି ଜିଣିବାକୁ ଓଡିଶା ଜଗରନଟସ ସମସ୍ତ ଉଦ୍ୟମ କରିବ ବୋଲି ଆଶା ବ୍ୟକ୍ତ କରିଛନ୍ତି ଟିମ୍ । ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଥିଲେ ମୁଖ୍ୟ କୋଚ ଅଶ୍ବିନୀ କୁମାର ଶର୍ମା, ଉପକ୍ୟାପଟେନ ଦୀପେଶ ବିଜୟ ମୋରେ ଓ କ୍ରୀଡାବିତ ଜଗନ୍ନାଥ ମୁର୍ମୁ ।