ବିଜେଡିରେ ମିଶିଲେ କଂଗ୍ରେସ ସଂପାଦକ କ୍ୟାପଟେନ ରାଜ ନାରାୟଣ

ଭୁବନେଶ୍ୱର : ବିଜେଡିରେ ମିଶିଲେ କଂଗ୍ରେସ ସଂପାଦକ ତଥା ବଡ଼ଚଣା ନିର୍ବାଚନ ମଣ୍ଡଳୀର କ୍ୟାପଟେନ ରାଜ ନାରାୟଣ ମହାପାତ୍ର । ତାଙ୍କ ସହ ଅନେକ ସ୍ଥାନୀୟ ନେତା ଓ ସମର୍ଥକ ବି ବିଜେଡିରେ ସାମିଲ ହୋଇଛନ୍ତି । ରାଜନାରାୟଣଙ୍କ ବାପା ସୀତାକାନ୍ତ ମହାପାତ୍ର ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ରହିଥିଲେ । ସମସ୍ତଙ୍କୁ ମୁଖ୍ୟମନ୍ତ୍ରୀ ଓ ସଂଗଠନ ସମ୍ପାଦକଙ୍କ ପକ୍ଷରୁ ସ୍ୱାଗତ କରିଥିଲେ ସାଂସଦ ସସ୍ମିତ ପାତ୍ର । ରାଜନାରାୟଣ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟଧାରାରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛନ୍ତି ବୋଲି କହିଛନ୍ତି ବିଜେଡି ନେତା ଜନ୍ମେଜୟ ଲେଙ୍କା । ରାଜଙ୍କ ଯୋଗଦାନ ଫଳରେ ବଡ଼ଚଣାରେ ବିଜେଡି ଆହୁରି ସୁଦୃଢ ହେବ । ଆଜି ପ୍ରବାଦ ପୁରୁଷ ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ତିରୋଧାନ ଦିବସ । ସେ ସାରା ବିଶ୍ୱରେ ପାଇଲଟ ଭାବେ ସେ ଖ୍ଯାତି ଅର୍ଜନ କରିଛନ୍ତି । ରାଜ ଶେଷ ପାଇଲଟ ଯିଏ ବିଜୁ ବାବୁଙ୍କ ଠାରୁ ସ୍କଲାରସିପ ପାଇ ଆମେରିକାରେ ପାଇଲଟ ହୋଇଥିଲେ । ତାଙ୍କ ସୁଯୋଗ୍ୟ ପୁତ୍ର ନବୀନ ପଟ୍ଟନାୟକଙ୍କ ଆଦର୍ଶରେ କଂଗ୍ରେସ ଛାଡି ବିଜେଡିରେ ମିଶିଲୁ ବୋଲି କହିଛନ୍ତି ରାଜ ।

ବଡ଼ଚଣାକୁ NAC ଘୋଷଣା କରିବା ନିଷ୍ପତ୍ତି ପରେ ସମସ୍ତେ ନବୀନଙ୍କ ବିକାଶ ଧାରାରେ ସାମିଲ ହେବାକୁ ନିଷ୍ପତ୍ତି ନେଇଛନ୍ତି । ନବୀନ ପଟ୍ଟନାୟକଙ୍କୁ ଷଷ୍ଠ ଥର ମୁଖ୍ୟମନ୍ତ୍ରୀ କରିବାକୁ କାମ କରିବୁ ବୋଲି ସଙ୍କଳ୍ପ ନେବା ସହ ବିକାଶକୁ ଆହୁରି ତ୍ୱରାନ୍ୱିତ କରିବାକୁ ଆହ୍ବାନ ଦେଇଛନ୍ତି ରାଜ ।