ଦାଉଦର ଏକ ଛୋଟିସି ଲଭ୍ ଷ୍ଟୋରି, ୨୭ ବର୍ଷ ସାନ ପାକ୍ ହିରୋଇନଙ୍କ ପ୍ରେମରେ ଉବୁଟୁବୁ ମାଫିଆ ଡନ୍

ନୂଆଦିଲ୍ଲୀ: ମାଫିଆ ଡନ୍ ଦାଉଦ୍ ଇବ୍ରାହିମ୍ ପୁଣି ଥରେ ନିଜ ରଙ୍ଗିଲା ମିଜାଜ୍ ପାଇଁ ଚର୍ଚ୍ଚା ଭିତରକୁ ଆସିଛି । ଫିଲ୍ମ ହିରୋଇନଙ୍କ ସହ ଆଫେୟାର୍ସକୁ ନେଇ ପ୍ରାୟତଃ ଚର୍ଚ୍ଚାରେ ରହୁଥିବା ଦାଉଦ୍ ଏବେ ନିଜଠାରୁ ୨୭ ବର୍ଷ ଶାନ ଜଣେ ପାକିସ୍ତାନୀ ହିରୋଇନଙ୍କ ପ୍ରେମରେ ପଡିଥିବା ଚର୍ଚ୍ଚା ହେଉଛି । ଏହି ହିରୋଇନଙ୍କ ନାମ  ମହବିଶ ଖାନ୍ । ମହବିଶ ପାକିସ୍ତାରନେ ’ଗ୍ୟାଙ୍ଗଷ୍ଟର ଗୁଡିଆ’ ନାମରେ ପରିଚିତ ।

ମହବିଶା ପ୍ରଥମ ପାକିସ୍ତାନୀ ଆକ୍ଟ୍ରେସ ନୁହଁ ଯାହାର ନାମ ଦାଉଦ ସହ ଯୋଡା ଯାଇଛି । ଦାଉଦର ବୟସ ୬୭ ହୋଇଥିବା ବେଳେ ମହବିଶଙ୍କ ବୟସ ୪୦ । ମାନେ ଦାଉଦଠାରୁ ସେ ୨୭ ବର୍ଷ ସାନ । ମହବିଶଙ୍କ ଫିଲ୍ମକୁ ଦାଉଦ୍ ଫାଇନାନ୍ସ କରୁଛି । ମହବିଶଙ୍କର ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସହ ଭଲ ସଂପର୍କ ରହିଛି ।

ଦାଉଦ ସହ ମହବିଶଙ୍କ ନାମ ଯୋଡା ହେବା ପରେ ତାଙ୍କୁ ଅନଲାଇନରେ ଟ୍ରୋଲ୍ କରାଯାଉଛି ।  ତେବେ ମହବିଶଙ୍କ କହିବା ହେଲା ଏହା ତାଙ୍କ ବିରୋଧରେ ଷଡ଼ଯନ୍ତ୍ର ନିକଟରେ ମହବିଶଙ୍କୁ ପାକିସ୍ତାନର ସର୍ବୋଚ୍ଚ ନାଗରିକ ସମ୍ମାନ ତମଗା-ଏ-ପାକିସ୍ତାନ ଦିଆଯାଇଥିଲା ।

ମହବିଶ ପୂର୍ବରୁ ଦାଉଦର ନାମ ପାକ୍ ଅଭିନେତ୍ରୀ ଅନିତା ଆୟୁବଙ୍କ ସହ ଯୋଡା ଯାଉଥିଲା । ଅନିତା ଆୟୁବ ସହ ଦାଉଦର ସମ୍ପର୍କ ସେତେବେଳେ ଜଣା ପଡିଥିଲା ଯେତେବେଳେ ପ୍ରଡ୍ୟୁସର ଜାବେଦ ସିଦ୍ଦିକିଙ୍କ ହତ୍ୟା ହୋଇଥିଲା । ଜାବେଦ ଅନିତାଙ୍କୁ ଫିଲ୍ମ ଦେଇ ନଥିବାରୁ ତାଙ୍କର ହତ୍ୟା ହୋଇଥିଲା ।

ଆଇଟମ ନମ୍ବରରୁ କ୍ୟାରିୟର ଆରମ୍ଭ କରିଥିବା ମହବିଶ ବଲିଉଡ୍ ବିରୋଧରେ ବୌଦ୍ଧିକ ସମ୍ପତି ଚୋରିର ଅଭିଯୋଗ ଆଣି ଚର୍ଚ୍ଚାକୁ ଆସିଥିଲେ । ଏବେ କିନ୍ତୁ ତାଙ୍କ ନାମ ଛୋଟକାଟିଆ ଚୋର ନୁହେଁ ଦୁନିଆର ସବୁଠୁ ବଡ ଡ୍ରଗ୍ ମାଫିଆ ଓ ଆତଙ୍କବାଦୀ ସହ ଯୋଡି ହୋଇଛି ।