ଭୁବନେଶ୍ବର : ମନ୍ତ୍ରୀଙ୍କ ଘରୁ ମିଳିଲା ମୃତଦେହ । ରାଜ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ରଙ୍କ ସରକାରୀ ବାସଭାବନରୁ ମିଳିଛି ମୃତଦେହ । ମୃତକ ହେଉଛନ୍ତି ଶଙ୍କର୍ଷଣ ନାଗ। ଘର ବଲାଙ୍ଗୀର ଜିଲ୍ଲା ବେଳପାହାଡ଼ । ବିଦ୍ୟୁତ ଆଘାତରୁ ତାଙ୍କର ମୃତ୍ୟୁ ହୋଇଥିବା ସୂଚନା ଦେଇଛି ପୋଲିସ । ଏ ନେଇ ଭୁବନେଶ୍ୱର କ୍ୟାପିଟାଲ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି। ମୃତକ ଜଣଙ୍କ ମନ୍ତ୍ରୀଙ୍କ ସହାୟକ ଭାବେ କାମ କରୁଥିଲେ । ମୃତଦେହ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଯାଇଛି । ତେବେ କେଉଁ ଅବସ୍ଥାରେ ଶଙ୍କର୍ଷଣ ଙ୍କ ମୃତ୍ୟୁ ଘଟିଲା, ସେ ନେଇ ଛାନଭିନ ଚଳାଇଛି କ୍ୟାପିଟାଲ ଥାନା ପୋଲିସ ।
