ଢେଙ୍କାନାଳ : ଲୋକାରଣ୍ୟ ପରିବେଶ । ସାଂସ୍କୃତିକ ନୃତ୍ୟ ଗୀତରେ କମ୍ପିଲା ପରିବେଶ । ରଙ୍ଗାରଙ୍ଗ କାର୍ଯ୍ୟକ୍ରମରେ ଝୁମିଲେ ଦର୍ଶକ । ଢେଙ୍କାନାଳ ଜିଲ୍ଲା ମହିଷାପାଟରେ ଆୟୋଜିତ ହୋଇଯାଇଛି ଢେଙ୍କାନାଳ ମହୋତ୍ସବ ଓ ପଲ୍ଲିଶ୍ରୀ ମେଳା । ଉତ୍ସବର ଉଦଘାଟନୀ ସଂଧ୍ୟାରେ ମନ୍ତ୍ରୀ, ସାଂସଦଙ୍କ ସମେତ ଅନେକ ଅତିଥି ସାମିଲ ହୋଇଥିଲେ । ମହୋତ୍ସବର ପ୍ରଥମ ସଂଧ୍ୟାରେ ଓଡ଼ିଶାର ପ୍ରତିଷ୍ଠିତ କଣ୍ଠଶିଳ୍ପୀ ଇରା ମହାନ୍ତି ତାଙ୍କ ଗୀତର ଜାଦୁଗରିରେ ସମସ୍ତଙ୍କୁ ବାନ୍ଧି ରଖିଥିଲେ । ଅନ୍ୟପଟେ ମେଳା ବୁଲି ବିଭିନ୍ନ ସୁସ୍ଵାଦୁ ଖାଦ୍ୟର ମଜା ଉଠାଉଛନ୍ତି ଦର୍ଶକ ।
କଳା ସଂସ୍କୃତିର ମହାନ ପର୍ବ ଢେଙ୍କାନାଳ ମହୋତ୍ସବ । ମହୋତ୍ସବଟି ଦୀର୍ଘ ୯ ବର୍ଷ ହେବ ବନ୍ଦ ହୋଇଯାଇଥିଲା । ଚଳିତ ଥର ପୁଣି ୧୮ ତମ ମହୋତ୍ସବ ଭାବେ ଆରମ୍ଭ ହୋଇଛି । ମହୋତ୍ସବଟି ପୁଣି ଥରେ ଆରମ୍ଭ ହୋଇଥିବାରୁ ଜିଲ୍ଲାର କଳାକାର ଓ ସଂସ୍କୃତ ପ୍ରେମୀଙ୍କ ମହରେ ଖୁସିର ଲହରୀ ଖେଳିଯାଇଛି । ମହୋତ୍ସବଟି ଆସନ୍ତା ୨୪ ତାରିଖ ପର୍ଯ୍ୟନ୍ତ ଚାଲିବ ।
