ନନ୍ଦିଘୋଷ ବ୍ୟୁରୋ: ଚନ୍ଦକା ଜଙ୍ଗଲର ଦନ୍ତାହାତୀ ରାମୁର ମୃତ୍ଯୁ। ୪୦ ବର୍ଷ ବୟସରେ ତାର ମୃତ୍ଯୁ ହୋଇଛି। ଚନ୍ଦକା ଡିଏଫଓ ଶରତ ବେହେରା କହିଛନ୍ତି-ବିଦ୍ଯୁତ ଆଘାତରେ ରାମର ମୃତ୍ଯୁ ହୋଇଥିବା ସନ୍ଦେହ କରାଯାଉଛି। ବ୍ଯବଚ୍ଛେଦ ରିପୋର୍ଟ ଆସିବା ପରେ ପ୍ରକୃତ ତଥ୍ଯ ମିଳିବ। ଭୁବନେଶ୍ବର ଉପକଣ୍ଠରେ ରାମୁ ବ୍ଯାପକ କ୍ଷୟକ୍ଷତି କରୁଥିଲା। ଚନ୍ଦକା ଓ ଡମପଡ଼ା ଅଭୟାରଣ୍ଯ ଅଞ୍ଚଳରେ ସେ ରହୁଥିଲା। ଗାଁଗଣ୍ଡା ଭିତରକୁ ପଶି ବ୍ଯାପକ କ୍ଷୟକ୍ଷତି କରୁଥିବାରୁ ରାମୁର ଗତିବିଧି ଉପରେ ନଜର ରଖିବାକୁ ବନ ବିଭାଗ ବହୁ ଚେଷ୍ଟା କରିଥିଲା। ଏପରିକି ରେଡିଓ କଲାର ବି ଲଗାଇବାକୁ ମଧ୍ୟ ଉଦ୍ଯମ ହୋଇଥିଲା। ଟ୍ରାଙ୍କୁଲାଇଜ୍ କରିବାକୁ ମଧ୍ଯ ବନ ବିଭାଗ ପ୍ରଚେଷ୍ଟା ଜାରି ରଖିଥିଲା। କିନ୍ତୁ ତାହା ସଫଳ ହୋଇପାରିନଥଲା। ଆଜି କିନ୍ତୁ ରାମୁର ମୃତ୍ଯୁ ହୋଇଛି।
