ବିଲରେ କଚାଡ଼ି ମାରିଲା ହାତୀ, ଫସଲ ନଷ୍ଟ କରୁଥିବାରୁ ରାତିରେ ଘଉଡ଼େଇବାକୁ ଯାଇଥିଲେ

ସୁବର୍ଣ୍ଣପୁର: ବଢ଼ିବାରେ ଲାଗିଛି ହାତୀଙ୍କ ଉପଦ୍ରବ । ସୁବର୍ଣ୍ଣପୁର ଉଲୁଣ୍ଡା ରେଞ୍ଚ ହାତିପାଉଲ ଗାଁରେ ହାତୀ ଆତଙ୍କ । ହାତୀ  ଆକ୍ରମଣରେ ଜଣଙ୍କର ମୃତ୍ୟୁ ହୋଇଛି । ମୃତକ ହେଉଛନ୍ତି ଉଗ୍ରସେନ ଭୋଇ । ହାତିପାଉଲ ଗାଁ ଜଙ୍ଗଲରେ ଗତ କିଛି ଦିନ ହେଲା ହାତୀ ଉପଦ୍ରବ ଦେଖିବାକୁ ମିଳୁଛି । ବ୍ୟାପକ ଧାନ ଫସଲ ନଷ୍ଟ କରୁଛନ୍ତି ହାତୀପଲ ।

ସୂଚନା ଅନୁଯାୟୀ, ଗାଁ ଲୋକଙ୍କ ସହ ମିଶି ରାତିରେ ହାତୀ ଘଉଡେଇବାକୁ ଯାଇଥିଲେ ଉଗ୍ରସେନ। ତେବେ ହାତୀ ପଲଙ୍କ ହାବୁଡରେ ପଡିଯାଇଥିଲେ। ସେଠାରେ ହାତୀ ତାଙ୍କୁ ଦଳି ଦେଇଥିଲେ। ଘଟଣାସ୍ଥଳରେ ତାଙ୍କ ମୃତ୍ୟୁ ହୋଇଯାଇଛି । ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି ।