ଟିମ୍ ଇଣ୍ଡିଆର ଦୀପାବଳୀ ଭେଟି, ମେଲବର୍ଣ୍ଣରେ ଫୁଟିଲା ଭାରତର ବାଣ
1 min read
ମେଲବର୍ଣ୍ଣ: ବିଦେଶରେ ବାଣ ଫୁଟାଇଲା ଭାରତ । ଆଗୁଆ ଦୀପାବଳି ଭେଟି ଦେଲା ଟିମ୍ ଇଣ୍ଡିଆ । ଭାରତର ବ୍ୟାଟିଂ ବାଣରେ ଓଦା ହୋଇଗଲା ପାକିସ୍ତାନ । ଅର୍ଥାତ ଦୀବାପଳି ପୂର୍ବରୁ ବିଦେଶରେ ବିଜୟ ହାସଲ କରି ଭାରତକୁ ଆଗୁଆ ଭେଟି ଦେଇଛି ଟିମ୍ ଇଣ୍ଡିଆ । ପ୍ରତିଦ୍ୱନ୍ଦୀ ପାକିସ୍ତାନକୁ ହରାଇ ଟି୨୦ ବିଶ୍ୱକପର ପ୍ରଥମ ସୋପାନ ଚଢିଛି ଟିମ୍ ଇଣ୍ଡିଆ ।
ବିରାଟ କୋହଲି ଏବଂ ହାର୍ଦ୍ଧିକ ପାଣ୍ଡ୍ୟାଙ୍କ ଯୋଡି ଭାରତର ବିଜୟ ରାସ୍ତାକୁ ସହଜ କରିଥିଲା । ନିର୍ଦ୍ଧାରିତ ଓଭରରେ ୧୬୦ରନ୍ କରି ଭାରତ ପିନ୍ଧିଛି ବିଜୟ ମୁକୁଟ । କୋହଲିଙ୍କ ଚମତ୍କାର ବ୍ୟାଟିଂ ଭାରତକୁ ବିଜୟ କରିଛି । ୫୩ ବଲରେ ବ୍ୟାଟ୍ସମ୍ୟାନ କୋହଲି ୮୨ ରନ୍ କରିଛନ୍ତି । ଶେଷ ତିନି ଓଭରକୁ ୪୮ ରନ୍ ଥିବାବେଳେ କୋହଲିଙ୍କ ଦମଦାର ପ୍ରଦର୍ଶନ ରାସ୍ତା ସୁଗମ କରିଥିଲା ।
ଟି-୨୦ ବିଶ୍ବକପରେ ହାଇଭୋଲଟେଜ୍ ଟକ୍କର ରହିଥିଲା । ଭାରତ ଆଗରେ ୧୬୦ ରନ୍ର ଟାର୍ଗେଟ ରଖିଲା ପାକିସ୍ତାନ । ଆରମ୍ଭ ଭାରତ ବ୍ୟାଟିଂ ବିପର୍ଯ୍ୟର ସମ୍ମୁଖୀନ ହୋଥିଲେ ମଧ୍ୟ କୋହଲି ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟାଟିଂ କ୍ରିକେଟ ପ୍ରେମୀଙ୍କୁ ନିରୁତ୍ସାହିତ କରିନଥିଲା । ପାଣ୍ଡ୍ୟା ୪୦ ରନ୍ କରିଥିବାବେଳେ କୋହଲିଙ୍କ ୬ଟି ଚୌକା ଏବଂ ୪ଟି ଛକା ନେଲବର୍ଣ୍ଣ ବିଜୟକୁ ଅଧିକ ସହଜ କରିଥିଲା ।
ସେପଟେ ପାକିସ୍ତାନର ସାନ୍ ମାସୁଦ ୫୦ ରନ୍ ସଂଗ୍ରହ କରିଥିଲେ । ଇପ୍ତିଖାର୍ ଅହମ୍ମଦ ମଧ୍ୟ ୫୦ ରନ୍ କରିଛନ୍ତି । ମେଲବର୍ଣ୍ଣରେ ଜୋରଦାର ଲଢେଇ ଭିତରେ ଭାରତ ଟସ ଜିତି ପ୍ରଥମେ ବ୍ୟାଟିଂ କରିବାକୁ ପାକିସ୍ତାନକୁ ସୁଯୋଗ ଦେଇଥିଲା । ଅନ୍ୟପଟେ ହାର୍ଦ୍ଦିକ ପାଣ୍ଡ୍ୟା ଓ ଅର୍ସଦୀପ ସିଂ ୩ଟି ଲେଖାଏଁ ଓ୍ବିକେଟ ନେଇ ପାକିସ୍ତାନକୁ ପାଣି ପିଆଇ ଦେଇଥଛିଲେ । ପାକିସ୍ତାନ କ୍ୟାପଟେନ ବାବର ଖାତା କୋଲି ପାରିନଥିବାବେଳେ ଭାରତ କ୍ୟାପଟେନ ରୋହିତ ଶର୍ମା ୭ଟି ବଲରେ ୪ରନ୍ କରି ୱିକେଟ ହୋଇଥିଲେ ।
