ମାଲକାନଗିରି ଜିଲ୍ଲାରେ ୨୪ ଘଣ୍ଟା ଯାଏଁ ଇଣ୍ଟରନେଟ ସେବା ବନ୍ଦ । ସନ୍ଧ୍ୟା ୬ଟାରୁ ବନ୍ଦ ହେବ ଇଣ୍ଟରନେଟ । ଜିଲ୍ଲା ପ୍ରଶାସନ ପକ୍ଷରୁ ସୂଚନା
ଏମଭି ୨୬ ଗ୍ରାମରେ ପୁଣି ଉତ୍ତେଜନାମୂଳକ ସ୍ଥିତି ଦେଖାଦେଇଛି। ଗ୍ରାମରେ ଶତାଧିକ ଲୋକ ପହଁଚି ପୁଣି ଭଙ୍ଗା ରୁଜା କରୁଥିବା ସୂଚନା । ପୋଲିସ ପକ୍ଷରୁ ଉତ୍ତ୍ୟକ୍ତ ଲୋକଙ୍କୁ ହଟାଇବା ପାଇଁ ଟିଅର ଗ୍ୟାସ ପ୍ରୟୋଗ କରାଯାଉଥିବା ସୂଚନା। ଏମଭି ୨୬ ଓ ରାଖାଲଗୁଡ଼ା ଗାଁରେ ୧୬୩ ଧାରା ଜାରି କରାଯାଇଛି । ୪ ଦିନ ବିଦ୍ୟାଳୟ ଛୁଟି ଘୋଷଣା କରାଯାଇଛି । ଲୋକଙ୍କ ଗତିବିଧି ଉପରେ ନଜର ରଖିବା ସହ ଗାଡି ମୋଟର ଯାଞ୍ଚ କରାଯାଉଛି। ତୁମୁଳ କାଣ୍ଡ ପରେ ଆଜି ସ୍ଥିତିରେ ସାମାନ୍ଯ ସୁଧାର ଆସିଥିଲେ ମଧ୍ୟ ପୁଣି ଉତ୍ତେଜନା ଲାଗି ରହିଛି । ୪ ଦିନ ଆଗରୁ ଗାଁର ଜଣେ ମହିଳାଙ୍କର ମୁଣ୍ଡବିହୀନ ମୃତଦେହ ଉଦ୍ଧାର ହୋଇଥିଲା। ଏହାକୁ ନେଇ ସୃଷ୍ଟି ହୋଇଥିଲା ଲଙ୍କାକାଣ୍ଡ। ଏଯାଏ ମୁଣ୍ଡ ମିଳିନି। ମୃତକ ଜଣକ ହେଲେ ରାଖାଲଗୁଡ଼ା ଗାଁର ଲାକେ ପଡ଼ିଆମି। ଏହାକୁ ନେଇ ଏମଭି ୨୬ ଗାଁରେ ଭଙ୍ଗାରୁଜା ହୋଇଥିଲା। କେତେକଙ୍କ ଘର ପୋଡ଼ି ଦେଇଥିଲେ ଦୁର୍ବୃତ୍ତ। ଏହାକୁ ନେଇ ଦୁଇ ଗାଁ ମୁହାଁମୁହିଁ ହୋଇଥିଲେ। ରାଖାଲଗୁଡା ଓ ଏମଭି ୨୬ ଗାଁ ମଧ୍ୟରେ ହୋଇଥିଲା ଗଣ୍ଡଗୋଳ। ଘଟଣାସ୍ଥଳରେ ମାଲକାନଗିରି ଏସଡିପିଓ ଉପସ୍ଥିତ ରହି ପରିସ୍ଥିତି ଉପରେ ନଜର ରଖିଛନ୍ତି। ଅନ୍ୟପଟେ କୋରାପୁଟ ଆଇଜି ଘଟଣାର ସମୀକ୍ଷା କରିଛନ୍ତି । ଏଥିସହ ପୋଟରୁ ନଦୀର ଜଳ ନିଷ୍କାସନ ବନ୍ଦ କରି ମୃତ ମହିଳାଙ୍କ ମୁଣ୍ଡ ଖୋଜୁଛି ପୋଲିସ।
ମାଲକାନଗିରି ଜିଲ୍ଲାରେ ୨୪ ଘଣ୍ଟା ଯାଏଁ ଇଣ୍ଟରନେଟ ସେବା ବନ୍ଦ
