ୱାଙ୍ଖେଡେରେ ଚହରଙ୍କ ଯାଦୁ, ୬ ୱିକେଟରେ ଜିତିଲା ଚେନ୍ନାଇ
ମୁମ୍ବାଇ: ଆଇପିଏଲର ଅଷ୍ଟମ ମ୍ୟାଚରେ ପଞ୍ଜାବ କିଙ୍ଗ୍ସକୁ ୬ ୱିକେଟରେ ହରାଇଛି ଚେନ୍ନାଇ ସୁପର କିଙ୍ଗ୍ସ । ଟସ୍ ଜିତି ଚେନ୍ନାଇ ବୋଲିଂ କରିଥିଲେ । ପ୍ରଥମେ ବ୍ୟାଟିଂ କରିଥିବା ପଞ୍ଜାବ ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସାମ୍ନା କରି ନିର୍ଦ୍ଧାରିତ ୨୦ ଓଭରରେ ୮ ୱିକେଟ୍ ହରାଇ ୧୦୬ ରନ୍ କରିଥିଲା । ଦଳ ପକ୍ଷରୁ ଶାହରୁଖ ଖାନ୍ ସର୍ବାଧିକ ୪୭ ରନ୍ କରିଥିଲେ । ୧୦୭ ରନର ବିଜୟ ଲକ୍ଷ୍ୟକୁ ଅତି ସହଜରେ ଜିତି ନେଇଛି ଚେନ୍ନାଇ ।
ଦ୍ରୁତ ବୋଲର ଦୀପକ ଚହର ୧୩ ରନ୍ ଦେଇ ୪ଟି ୱିକେଟ୍ ନେଇଥିଲେ । ଚହରଙ୍କ ଦମଦାର୍ ବୋଲିଂ ବଳରେ ଚେନ୍ନାଇ ସୁପର କିଙ୍ଗ୍ସ ପଞ୍ଜାବ କିଙ୍ଗ୍ସକୁ ୧୦୬ ରନରେ ସୀମିତ କରିଥିଲା । ଚେନ୍ନାଇ ୧୬ ଓଭରରେ ୬ ୱିକେଟ୍ ହରାଇ ମ୍ୟାଚକୁ ଜିତି ନେଇଛି ।
ଭାରତୀୟ ଟିମର କୋଚ୍ ରବି ଶାସ୍ତ୍ରୀ ଦୀପକ ଚହରଙ୍କୁ ପ୍ରଶଂସା କରିଛନ୍ତି । ଚହର ଏହି ମ୍ୟାଚରେ ୧୩ ରନ୍ ଦେଇ ୪ ୱିକେଟ୍ ନେଇଛନ୍ତି । ଦୀପକ ଚହର ମୟଙ୍କ ଅଗ୍ରୱାଲ, ନିକୋଲସ ପୂରନ, କ୍ରିସ୍ ଗେଲ୍ ଓ ଦୀପ ହୁଡ୍ଡାଙ୍କୁ ଆଉଟ୍ କରିଥିଲେ । ବିଜୟ ପରେ ଚେନ୍ନାଇ ଆଇପିଏଲର ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ରହିଛି ।
