ପାକ୍ ଗୁପ୍ତଚର ନେଟୱାର୍କର ପର୍ଦ୍ଦାଫାସ, ଦୁଇ ସନ୍ଦିଗ୍ଧ ଗିରଫ

ଅମୃତସର : ପଞ୍ଜାବରେ ପାକ୍ ଗୁପ୍ତଚର ନେଟୱାର୍କର ପର୍ଦ୍ଦାଫାସ ହୋଇଛି । ଅମୃତସର ରୁରାଲ ପୋଲିସ ପାକିସ୍ତାନ ପାଇଁ ଗୁପ୍ତଚର କରୁଥିବା ଦୁଇ ଜଣଙ୍କୁ ଗିରଫ କରିଛି। ପଲକ ଶେର ଏବଂ ସୂରଜ ମସିହ ନାମକ ଏହି ଦୁଇ ସନ୍ଦିଗ୍ଧକୁ ଗିରଫ କରାଯାଇଛି । ଏହି ଦୁଇ ଜଣ ପାକିସ୍ତାନ ଗୁଇନ୍ଦା ସଂସ୍ଥା ସହ ଲିଙ୍କରେ ରହିବା ସହ ଅମୃତସର ସେନା କ୍ୟାଣ୍ଟ ଓ ଅମୃତସର ଏୟାରବେସ ସହିତ ଜଡିତ ସୂଚନା ପାକିସ୍ତାନକୁ ଦେଉଥିଲେ। ଅମୃତସର ଜେଲରେ ବନ୍ଦୀ ଥିବା ହରପ୍ରୀତ ସିଂହ ଓରଫ ହାପି ମାଧ୍ୟମରେ ପାକିସ୍ତାନର ଗୁଇନ୍ଦା ସଂସ୍ଥାଗୁଡ଼ିକ ଏହି ଲୋକଙ୍କ ସହିତ ଯୋଗାଯୋଗ କରିଥିଲେ।