ନନ୍ଦିଘୋଷ ବ୍ୟୁରୋ : ଇସ୍ରାଏଲ ଓ ଇରାନ ମଧ୍ୟରେ ଜାରି ରହିଛି ଯୁଦ୍ଧ। ଗତ ରାତିରେ ମଧ୍ୟ ଇରାନର ରାଜଧାନୀ ତେହେରାନର କେତେକ ଅଞ୍ଚଳରେ ମିସାଇଲ ଓ ବୋମାମାଡ଼ କରିଛି ଇସ୍ରାଏଲ। ବିଶେଷ କରି ଆଣବିକ କେନ୍ଦ୍ରକୁ ଟାର୍ଗେଟ କରାଯାଇଥିବାର ଜଣାପଡ଼ିଛି। ଇସ୍ରାଏଲ ଚେତାବନ ଦେଇଛି ଯଦି ଇରାନ ପାଲଟା ଆକ୍ରମଣ କରେ ତେହେରାନକୁ ପୁରା ଜାଳି ଦେବୁ। ଇସ୍ରାଏଲର ଅପରେସନ ଲାୟନ ଜବାବରେ ଇରାନ ଅପରେସନ ଟ୍ରୁ ପ୍ରମିଜ କରିଥିଲା। ଇସ୍ରାଏଲରେ ବୋମାମାଡ଼ ଓ କ୍ଷେପଣାସ୍ତ୍ର ମାଡ଼ କରିଥିଲା। ଏଥିରେ ଅନେକ ମୃତାହତ ହୋଇଥିଲେ। ଏପରିକି ଇସ୍ରାଏଲ ପ୍ରତିରକ୍ଷା ହେଡ କ୍ଵାଟର ବି କ୍ଷତିଗ୍ରସ୍ତ ହୋଇଛି। ସେପଟେ ପାଶ୍ଚାତ୍ୟ ରାଷ୍ଟ୍ରଗୁଡ଼ିକୁ ମଧ୍ୟ ନାଲି ଦେଖାଇଛି ଇରାନ। ହସ୍ତକ୍ଷେପ ନ କରିବାକୁ ଚେତାବନୀ। ନ ହେଲେ ଆମେରିକା, ବ୍ରିଟେନର ଏୟାରବେସରେ ହମକା କରିବାକୁ ଧମକ ଦେଇଛି।
