ନନ୍ଦିଘୋଷ ବ୍ୟୁରୋ: ଇସ୍ରାଏଲ ମିଲିଟାରୀ ଓ ଆତଙ୍କବାଦୀ ସଂଗଠନ ହମାସ ମଧ୍ଯରେ ୩ ଦିନିଆ ଅସ୍ତ୍ରବିରତି। ଗାଜାରେ ପୋଲିଓ ଟିକା କାର୍ଯ୍ଯକ୍ରମ ଲାଗି ଏହି ଅସ୍ତ୍ରବିରତି ହୋଇଛି। ଗାଜାର ପ୍ରାୟ ୬ ଲକ୍ଷ ୪୦ ହଜାର ଶିଶୁଙ୍କୁ ପ୍ରଥମ ପର୍ଯ୍ୟାୟରେ ପୋଲିଓ ଟିକା ଦିଆଯିବ ବୋଲି କହିଛି ବିଶ୍ବ ସ୍ବାସ୍ଥ୍ଯ ସଂଗଠନ। ଆସନ୍ତା ରବିବାରଠାରୁ ଏହି ଅସ୍ତ୍ରିବିରତି ହେବ। ପ୍ରଥମେ କେନ୍ଦ୍ରୀୟ ଗାଜାରେ ଟିକାକରଣ ଚାଲିବ। ପରେ ଅନ୍ଯାନ୍ଯ ଅଞ୍ଚଳରେ ଏହି କାର୍ଯ୍ଯକ୍ରମ ଚାଲିବ। ତେବେ ଆବଶ୍ଯକ ପଡ଼ିଲେ ଆଉ ଦିନେ କିମ୍ବା ଦୁଇଦିନ ଟିକାକରଣ କାର୍ଯ୍ୟକ୍ରମ ବଢାଯାଇପାରେ ବୋଲି କହିଛନ୍ତି ବିଶ୍ବ ସ୍ବାସ୍ଥ୍ଯ ସଂଗଠନର ଜରୁରୀକାଳୀନ ନିର୍ଦ୍ଦେଶକ ମାଇକ ରିଆନ। ଗାଜାରେ ପୋଲିଓ ଭାଇରସ ବ୍ଯାପୁଥିବା ନେଇ ବିଶ୍ବ ସ୍ବାସ୍ଥ୍ୟ ସଂଗଠନ ପ୍ରମାଣ ପାଇଥିଲା।
