ନନ୍ଦିଘୋଷ ବ୍ୟୁରୋ : ଲେବାନନର ବେରୁଟ ଓ ବେକା ଭାଲିରେ ଜୋରଦାର ହମଲା ପରେ ଲେବାନନ ସହ କୂଟନୈତିକ ଆଲୋଚନା ଲାଗି ପ୍ରସ୍ତାବ ଦେଇଛି ଇସ୍ରାଏଲ। ଗତକାଲି ହୋଇଥିବା ହମଲାରେ ପ୍ରାଣ ହରାଇଥିଲେ ୩୦୩ ଜଣ। ଲେବାନନ ସହ ଆଲୋଚନାର କ୍ଷେତ୍ର ପ୍ରସ୍ତୁତ ଲାଗି ନିଜ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ। ଲେବାନନର ବାରମ୍ବାର ଅନୁରୋଧ କ୍ରମେ କୂଟନୈତିକ କଥାବାର୍ତ୍ତା ଲାଗି ଯୋଜନା କରାଯାଉଛି ବୋଲି କହିଛନ୍ତି ନେତନ୍ୟାହୁ। ହେଜବୁଲ୍ଲାକୁ ନିରସ୍ତ୍ର କରିବା ଏବଂ ଇସ୍ରାଏଲ ଓ ଲେବାନନ ମଧ୍ୟରେ ଶାନ୍ତି ପ୍ରତିଷ୍ଠାକୁ ଇସ୍ରାଏଲ ଗୁରୁତ୍ବ ଦେଉଛି ବୋଲି କହିଛନ୍ତି ନେତନ୍ୟାହୁ। ସପେଟେ ଏକ ଅସ୍ଥାୟୀ ଯୁଦ୍ଧବିରତି ଲାଗି ଲେବାନନ ଇଚ୍ଛୁକ ବୋଲି କହିଛନ୍ତି ଲେବାନନର ଜଣେ ବରିଷ୍ଠ ଅଧିକାରୀ। ସେପଟେ ଇସ୍ରାଏଲ ସହ ସିଧାସଳଖ କଥାବାର୍ତ୍ତା ପ୍ରସ୍ତାବକୁ ଅଗ୍ରାହ୍ୟ କରିଛି ହେଜବୁଲ୍ଲା। ସଂଗଠନର ନେତା ଅଲି ଫୟାଦ କହିଛନ୍ତି- ଲେବାନନ ସୀମାରୁ ଇସ୍ରାଏଲ ପ୍ରଥମେ ନିଜ ସୈନ୍ୟ ପ୍ରତ୍ୟାହାର କରିବା ଉଚିତ।
