ଜଳେଶ୍ୱର : ବାଲେଶ୍ୱର ଜଳେଶ୍ୱର ଥାନା ଅଂଚଳରେ ଜୁଆଆଡ୍ଡାରେ ଚଢ଼ାଉ। ଭାରତ-ଦକ୍ଷିଣ ଆଫ୍ରିକା ମ୍ୟାଚକୁ ନେଇ ଜୁଆଖେଳ ପାଇଁ ଚାଲିଥିଲା ପ୍ରସ୍ତୁତି। ଖବର ପାଇ ଆଡ୍ଡା ଉପରେ ମାଡ଼ି ବସିଲା ଜଳେଶ୍ଵର ପୋଲିସ । ୧୨ଜଣ ଯୁଆଡ଼ିଙ୍କୁ ଗିରଫ ସହ ୯ ବାଇକ, ନଗଦ ଟଙ୍କା ଓ ୯ଟି ମୋବାଇଲ ଜବତ କରିଛି ପୋଲିସ । ବିଳମ୍ବିତ ରାତିରେ ଝାଡ଼େଶ୍ୱରପୁର ବସ୍ତିରେ ଚଢ଼ାଉ କରିଥିଲା ପୋଲିସ । ଆଇଆଇସି, ତହସିଲଦାର, ଏସଆଇ ଓ ପୋଲିସର ଗୋଟିଏ ଟିମ ଚଢ଼ାଉରେ ସାମିଲ ଥିଲେ। ମମତାଜ ଖାଁଙ୍କ ଘର ଛାତ ଉପରେ ଜୁଆ ଖେଳ ଚାଲିଥିବା ବେଳେ ଧରିଲା ପୋଲିସ। । ମମତାଜ ଖାଁଙ୍କୁ ମାଷ୍ଟର ମାଇଣ୍ଡ କୁହାଯାଉଥିବା ବେଳେ ସେକ ଇର୍ସାଦ ମହମ୍ମଦ ସମେତ ୧୨ ଜୁଆଡିଙ୍କ ନାମରେ ଆଗରୁ ଜାତୀୟ ସ୍ତର ଆଇପିଏଲ ଖେଳରେ ଟଙ୍କା ଲଗାଉଥିବା ଅଭିଯୋଗ ରହିଛି ।
