ଆସୁଛି ଗଣେଶ ପୂଜା, କଣ୍ଟାମାଳରେ ଭଳିକି ଭଳି ମୂର୍ତ୍ତି ତିଆରିରେ ନିମଗ୍ନ କାରିଗର

କଣ୍ଟାମାଳ : ଆସୁଛି ଗଣେଶ ପୂଜା । ଆଦ୍ଯପୂଜ୍ଯଙ୍କ ଆରାଧନାରୁ ଆରମ୍ଭ ହେବ ପାର୍ବଣ ଋତୁ । ଏଥିପାଇଁ ଚଳଚଞ୍ଚଳ ହୋଇଉଠିଛି କଣ୍ଟାମାଳ ବ୍ଲକର ବିଭିନ୍ନ ସ୍ଥାନ । ଭଳିକି ଭଳି ମୂର୍ତ୍ତି ତିଆରିରେ ଲାଗିପଡିଛନ୍ତି କାରିଗର । ମାଟି, ପାଣି, କୁଣ୍ଡା, କପଡା, ପାଳ ଆଦି ଜିନିଷର ମିଶ୍ରଣରେ କାରିଗର ତିଆରି କରୁଛନ୍ତି ସୁନ୍ଦର ସୁନ୍ଦର ମୂର୍ତ୍ତି । ମୂଷା ପିଠିରେ ବସିବା, ମୁଣ୍ଡରେ ପଗଡି ଭିଡିଥିବା ଗଣେଶ ସାଙ୍ଗକୁ ଶିବଲିଙ୍ଗକୁ ଧରିଥିବା ଗଣେଶଙ୍କ ମୂର୍ତ୍ତି ତିଆରି କରୁଛନ୍ତି କାରିଗର । ଆକର୍ଷଣୀୟ ମୂର୍ତ୍ତି ପାଇଁ କାରିଗରଙ୍କ ପାଖକୁ ବଇନା ମଧ୍ୟ ଆସିଲାଣି l…

ସେପଟେ ବିଘ୍ନବିନାଶକଙ୍କ ପୂଜା ପାଇଁ ଚଳଚଞ୍ଚଳ କଟକ ଜିଲ୍ଲା ବାରଙ୍ଗ ବ୍ଲକ ରାମଦାସପୁର ବାର୍ଷିଙ୍ଗା କୁମ୍ଭାର ସାହି । କିଏ ମୂର୍ତ୍ତି ଗଢୁଛନ୍ତି ତ କିଏ ମାଟି ଚକଟିବାରେ ଲାଗିପଡିଛନ୍ତି । ଗ୍ରାହକଙ୍କ ଚାହିଦାକୁ ଦୃଷ୍ଟି ରଖି ଭଳିକି ଭଳି ମୂର୍ତ୍ତି ତିଆରି କରୁଛନ୍ତି କାରିଗର । ବାର୍ଷିଙ୍ଗା କୁମ୍ଭାର ସାହିରେ ନିର୍ମାଣ ହେଉଛି ୨୦ ଫୁଟ ଉଚ୍ଚତାର ଗଜାନନଙ୍କ ମୃଣ୍ମୟ ମୂର୍ତ୍ତି । ଏଠାରେ ନିର୍ମାଣ ହେଉଥିବା ମୂର୍ତ୍ତିର ଚାହିଦା ବହୁତ ଅଧିକ ରହିଥାଏ । ଗ୍ରାମାଞ୍ଚଳ ଠାରୁ ଆରମ୍ଭ କରି ସହରାଞ୍ଚଳର ଅନେକ ଲୋକ ଏଠାକୁ ଆସିଛି ମୂର୍ତ୍ତି କିଣିନେଇଥାନ୍ତି । ଚଳିତ ବର୍ଷ ପୂଜାରେ କାରିଗରଙ୍କ ହାତ ତିଆରି ସୁନ୍ଦର ମୂର୍ତ୍ତି ଆକର୍ଷଣର କେନ୍ଦ୍ରବିନ୍ଦୁ ପାଲଟିବ ନିଶ୍ଚୟ ।