ନନ୍ଦିଘୋଷ ବ୍ୟୁରୋ : ଭିଜିଲାନ୍ସ ଜାଲରେ କେନ୍ଦ୍ରାପଡ଼ା ଡ୍ରେନେଜ୍ ଡିଭିଜନର ସହକାରୀ ନିର୍ବାହୀ ଯନ୍ତ୍ରୀ। ନଗଦ ୩ ଲକ୍ଷ ୧୫ ଲକ୍ଷ ଟଙ୍କା ସହ କାବୁ କଲା ଭିଜିଲାନ୍ସ। ଡ୍ରେନେଜ୍ ବିଭାଗର ସହକାରୀ ନିର୍ବାହୀ ଯନ୍ତ୍ରୀ ଅନୁପମା ସାହୁ ନିଜ କାର୍ଯ୍ୟାଳୟରେ ବକେୟା ବିଲ୍ ମଞ୍ଜୁର କରିବା ପାଇଁ ଠିକାଦାରଙ୍କ ଠାରୁ ଲାଞ୍ଚ ଆଦାୟ କରୁଥିବା ନେଇ ସୂଚନା ମିଳିଥିଲା। ଏହି ସୂଚନା ଆଧାରରେ, ସରକାରୀ ଗାଡ଼ିରେ କେନ୍ଦ୍ରାପଡ଼ା ନୟନ ବିହାରସ୍ଥିତ ନିଜ ବାସଭବନକୁ ଫେରୁଥିବା ସମୟରେ, ଭିଜିଲାନ୍ସ ଟିମ୍ ୫୩-ଏ ଜାତୀୟ ରାଜପଥର ମାର୍ଶାଘାଇ ଛକରେ ନିର୍ବାହୀ ଯନ୍ତ୍ରୀଙ୍କୁ ଅଟକାଇଥିଲା।
ଯାଞ୍ଚ ସମୟରେ ଅନୁପମାଙ୍କ ଗାଡ଼ିରୁ ୩ ଲକ୍ଷ ୧୫ ଲକ୍ଷ ଟଙ୍କାଜବତ କରାଯାଇଥିଲା। ଟଙ୍କାର କୌଣସି ସନ୍ତୋଷଜନକ ଉତ୍ତର ଦେଇପାରି ନ ଥିବାରୁ, ଏହି ଟଙ୍କା ସହିତ ଗାଡ଼ିଟିକୁ ଜବତ କରାଯାଇଛି। ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ସରକାରୀ କାର୍ଯ୍ୟାଳୟ ସହ ବାସଭବନରେ ଚଢ଼ାଉ କରିଛି ଭିଜିଲାନ୍ସ।
