ନନ୍ଦିଘୋଷ ବ୍ୟୁରୋ : ଦିଲ୍ଲୀ କାର ବିସ୍ଫୋରଣ ଘଟଣା। ପଶ୍ଚିମବଙ୍ଗ ଉତ୍ତର ଦିନାଜପୁର ଡାଲଖୋଲା ଥାନା କୋନାଲ ଗାଁର ଜଣେ ଡାକ୍ତରୀ ଛାତ୍ର ଗିରଫ। ସୂର୍ଯ୍ୟପୁର ହାଇସ୍କୁଲ ସାମ୍ନାରୁ ଏନଆଇଏ ଡାକ୍ତରୀ ଛାତ୍ରଙ୍କୁ ଉଠାଇ ନେଇଛି। ଡାକ୍ତରୀ ଛାତ୍ରଙ୍କ ନାମ ଜାନିସାର ଆଲମ ଓରଫ ଜିଗର। ବହୁ ବର୍ଷ ପୂର୍ବରୁ ଡାକ୍ତରୀ ଛାତ୍ରଙ୍କ ବାପା ଛୋଟ ଥିବା ସମୟରେ ଲୁଧିଆନାକୁ ଚାଲିଯାଇଥିଲେ। ଛାତ୍ରଙ୍କ ବାପା ସେଠାରେ ଜଣେ କ୍ୱାକ୍ ଭାବରେ କାମ କରୁଥିଲେ। ପିତା ତୌହିଦ ଆଲମ ତାଙ୍କ ପୁଅ ଜାନିସାର ଆଲମଙ୍କୁ ଡାକ୍ତର ଭାବରେ ତାଲିମ ଦେଇଥିଲେ। ଏହା ପରେ ଜାନିସାର ୨୦୨୪ରେ ହରିଣାର ଅଲ ଫଲାହ ବିଶ୍ୱବିଦ୍ୟାଳୟରୁ ଏମବିବିଏସ ପାସ୍ କରିଥିଲେ। ଗତ ରବିବାର ସେ ଏମଡି ପରୀକ୍ଷା ଦେବାକୁ ଚଣ୍ଡିଗଡ ଯାଇଥିଲେ। ଗତ ୧୨ ତାରିଖରେ ସେ ଏକ ବିବାହ ଉତ୍ସବରେ ଯୋଗଦେବା ପାଇଁ ତାଙ୍କ ଗାଁକୁ ଆସିଥିଲେ।
ବିଶ୍ଵବିଦ୍ୟାଳୟ କ୍ୟାମ୍ପସରେ ପୋଲିସ କରିଛି ଛାନବିନ। ଏହା ସହ ଦିଲ୍ଲୀ ଲାଲକିଲ୍ଲା ବିସ୍ଫୋରଣସ୍ଥଳୀରେ ବି ପୋଲିସ ପହଞ୍ଚି କରିଛି ତଦନ୍ତ। ଏହା ସହ ଲାଲକିଲ୍ଲା ଦେଇ ଯାଇଥିବା ରାସ୍ତାକୁ ସର୍ବସାଧାରଣ ଲାଗି ଉନ୍ମୁକ୍ତ କରାଯାଇଛି ।
ତେଣେ ଅଲ ଫଲାହ ବିଶ୍ବବିଦ୍ୟାଳୟ ଓ ଦିଲ୍ଲୀ ବିସ୍ଫୋରଣ ଘଟଣା ସହ ଜଡିତ ଥିବା ଅଭିଯୋଗରେ ହରିଆଣା ନୁହରେ ୫ ଜଣଙ୍କୁ ରଖାଯାଇଛି ଅଟକ ।
ଦିଲ୍ଲୀ କାର ବିସ୍ଫୋରଣ ଘଟଣା : ପଶ୍ଚିମବଙ୍ଗରୁ ଜଣେ ଡାକ୍ତରୀ ଛାତ୍ର ଗିରଫ
