ସ୍ୱାଧୀନତା ସଂଗ୍ରାମୀ ସମିତି ପକ୍ଷରୁ ରାଜ୍ୟସ୍ତରୀୟ ଅଗଷ୍ଟ କ୍ରାନ୍ତି ଦିବସ ପାଳନ

ଭୁବନେଶ୍ୱର : ଭାରତର ବୀର ମାନଙ୍କର ବଳିଦାନର କଥା । ସେମାନଙ୍କ ବୀରତ୍ବ ଓ ସାହସର ଗାଥା । ଅଗଷ୍ଟ କ୍ରାନ୍ତି ଦିବସରେ ସ୍ବାଧୀନତା ସଂଗ୍ରାମୀଙ୍କୁ ପକାଇଲେ ବିଭିନ୍ନ ବର୍ଗ । ଗୋଟିଏ ମଞ୍ଚରେ ବିଭିନ୍ନ ରାଜନୈତିକ ଦଳର ସଦସ୍ୟ ତଥା ସ୍ଵାଧୀନତା ସଂଗ୍ରାମୀ ପରିବାର ସାମିଲ ହୋଇ ଦେଶର ସ୍ଵାଧିନତା ସଂଗ୍ରାମରେ ବଳିଦାନ ଦେଇଥିବା ମହାମନିସୀଙ୍କୁ ମନେ ପକାଇଛନ୍ତି । ଭୁବନେଶ୍ୱର ସ୍ଥିତ ସ୍ଵାଧୀନତା ସଂଗ୍ରାମୀ ସଦନ ପଡିଆରେ ଆୟୋଜିତ କାର୍ଯ୍ୟକ୍ରମରେ ଏଠାରେ ଥିବା ସହିଦ ସ୍ତମ୍ଭରେ ଶ୍ରଦ୍ଧାଞ୍ଜଳି ଦେଇଛନ୍ତି । ବାଚସ୍ପତି ସୁରମା ପାଢ଼ୀଙ୍କ ସମେତ ବିଭିନ୍ନ ପ୍ରମୁଖ ରାଜନୈତିକ ବ୍ୟକ୍ତି ଯୋଗ ଦେଇ ସ୍ୱାଧୀନତା ସଂଗ୍ରାମ ବିଷୟରେ ଅବତାରଣା କରିଛନ୍ତି । ଏହି ଅବସରରେ ରାଜ୍ୟର ସ୍ୱାଧୀନତା ସଂଗ୍ରାମୀ ଓ ତାଙ୍କ ଦାୟାଦ ମାନଙ୍କୁ ସମ୍ମାନିତ କରାଯାଇଛି । କ୍ରାନ୍ତି ଦିବସ ସମ୍ପର୍କରେ ଆଜିର ପିଢ଼ି ଜାଣିବା ସହ ଦେଶପ୍ରେମରେ ନିଜକୁ ସାମିଲ କରିବା ନିହାତି ଆବଶ୍ୟକ ବୋଲି କୁହାଯାଇଛି ।
ରାଜ୍ଯର ଅନେକ ସ୍ୱାଧୀନତା ସଂଗ୍ରାମୀ ଦେଶକୁ ସ୍ୱାଧୀନ କରିବା ପାଇଁ ତାଙ୍କର ବଳିଦାନ ଦେଇଛନ୍ତି । ଏହି ସ୍ଵାଧିନତା ସଂଗ୍ରାମୀ ପରିବାରକୁ କୁଟୁମ୍ବ ଯୋଜନାରେ ପେନସନ ପାଇଁ ଗତବର୍ଷ ମୁଖ୍ୟମନ୍ତ୍ରୀ ଘୋଷଣା କରିଥିଲେ ମଧ୍ୟ ଆଜିଯାଏ ତାହା ମିଳିଲା ନାହିଁ ବୋଲି କୁହାଯାଇଛି । ଯାହାକୁ ନେଇ ସ୍ୱାଧୀନତା ସଂଗ୍ରାମୀ ସମିତି ପକ୍ଷରୁ ଦୁଃଖ ପ୍ରକାଶ କହିବା ସହ ଏହାକୁ ତୁରନ୍ତ ଲାଗୁ କରିବାକୁ ଅନୁରୋଧ କରିଛନ୍ତି । ରାଜ୍ୟ ସ୍ୱାଧୀନତା ସଂଗ୍ରାମୀ ସମିତି ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଦଳ ନିର୍ବିଶେଷରେ ସମସ୍ତେ ଗୋଟିଏ ମଞ୍ଚ ଏକାଠି ହୋଇ ମହାତ୍ମା ଗାନ୍ଧୀଙ୍କ ଅବଦାନକୁ ମନେ ପକାଇଛନ୍ତି ।