ଉତ୍ତରାଖଣ୍ଡର ୬ରେଳ ଷ୍ଟେସନ ଉଡ଼ାଇ ଦେବା ନେଇ ଧମକପୂର୍ଣ୍ଣ ଚିଠି
1 min read
ଉତ୍ତରାଖଣ୍ଡ: ଋରକି ରେଳଓ୍ୱେ ଷ୍ଟେସନ ସୁପରିଣ୍ଟେଣ୍ଡେଣ୍ଟଙ୍କୁ ମିଳିଛି ଧମକପୂର୍ଣ୍ଣ ଚିଠି । ଉତ୍ତରାଖଣ୍ଡରେ ଥିବା ୬ଟି ରେଳ ଷ୍ଟେସନକୁ ବୋମା ବିସ୍ଫୋରଣ କରି ଉଡ଼ାଇଦେବା ନେଇ ଚିଠିରେ ଉଲ୍ଲେଖ ରହିଛି । ଇ-ମେଲ୍ ଜରିଆରେ ଏହି ଧମକ ପୂର୍ଣ୍ଣ ଚିଠି ଆସିଛି ।
ପଠାଇଥିବା ବ୍ୟକ୍ତି ଜଣଙ୍କୁ ନିଜ ଜୈସ ଏ ମହମ୍ମଦର ଏରିଆ କମାଣ୍ଡର ବୋଲି କହିଥିବା ବେଳେ ତାଙ୍କର ନାମ ସଲିମ୍ ଅନ୍ସାରି ବୋଲି ଉତ୍ତରାଖଣ୍ଡ ପୋଲିସ ମହାନିର୍ଦେଶକ ଅଶୋକ କୁମାର କହିଛନ୍ତି। ସେ ଆହୁରି ମଧ୍ୟ କହିଛନ୍ତି, ବିଗତ ୨୦ ବର୍ଷ ହେବ ମାନସିକ ବିକାରଗସ୍ତ ଜଣେ ବ୍ୟକ୍ତି ଏଭଳି ଧମକ-ଚିଠି ପଠାଉଛନ୍ତି। ତଥାପି, ସତର୍କତା ଅବଲମ୍ବନ କରାଯାଉଛି।
ମେ ୨୧ ତାରିଖ ଦିନ ଲକ୍ସର୍, ନାଜିବାବାଦ, ଡେହରାଡୁନ୍, ଋର୍କି, ଋଷିକେଶ, ହରିଦ୍ୱାର ଆଦି ୬ଟି ରେଳବାଇ ଷ୍ଟେସନ୍ ଏବଂ ଅନ୍ୟାନ୍ୟ ଧର୍ମପୀଠରେ ବୋମା ବିସ୍ଫୋରଣ କରାଯିବ ବୋଲି ମେ’ ୭ ତାରିଖ ସନ୍ଧ୍ୟାରେ ସୁପରିଣ୍ଟେଣ୍ଡେଣ୍ଟ୍ ପାଇଥିବା ଉକ୍ତ ପତ୍ରରେ ଉଲ୍ଲେଖ ଅଛି।
ଏଥିସହିତ ପଢ଼ନ୍ତୁ: ମସ୍କଙ୍କୁ ପୁନାୱାଲାଙ୍କ ପରାମର୍ଶ, ଟ୍ୱିଟର ଡିଲ୍ ପୂରା ନହେଲେ ଏମିତି କର…
