ରାଉରକେଲା: ରାଜ୍ୟରେ ମଦ ବନ୍ଦ କରିବାକୁ ପ୍ରତିଶୃତି ଦେଲେ । ଶାସନ ଗାଦିରେ ବସିବା ପରେ ସବୁ ଭୁଲିଗଲେ । ବିରୋଧୀ ଥିବା ବେଳେ ବାରମ୍ବାର ଆନ୍ଦୋଳନ କରି ମଦ ଦୋକାନ ଉତ୍ସେଦ ପାଇଁ ଦାବି କରୁଥିଲେ । ନିର୍ବାଚନର ବିଜୟ ପରେ ମଦ ବ୍ୟବସାୟକୁ ପ୍ରୋତ୍ସାହନ ଯୋଗଉଥିବା ଅଭିଯୋଗ । ରାଉରକେଲା ସହର ଓ ନିକଟବର୍ତ୍ତୀ ଅଞ୍ଚଳରେ ୫ ଟି ଦେଶୀ ମଦ ଭାଟି ଓ ୫୦ ରୁ ଅଧିକ ମଦ ଦୋକାନ ଖୋଲିବା ନିଷ୍ପତ୍ତିକୁ ବିରୋଧ କରାଯାଇଛି । ରାଉରକେଲା ମହାନଗର ନିଗମ କାର୍ଯ୍ୟାଳୟ ସମ୍ମୁଖରେ ବିଭିନ୍ନ ସଂଗଠନ ଓ ରାଜନୈତିକ ଦଳ ପକ୍ଷରୁ ଚାଲିଥିବା ଗଣ ଧାରଣା ଆନ୍ଦୋଳନ ଆଜି ୧୫ ଦିନରେ ପହଂଚିଛି । ରାଜ୍ୟ ସରକାରଙ୍କ ମଦ ପ୍ରସାର ନୀତିକୁ ବିରୋଧ କରି ଆସନ୍ତା ଦିନରେ ଆନ୍ଦୋଳନକୁ ଜୋରଦାର କରାଯିବ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି । …
ରାଉରକେଲା ସହରରେ ଇଏସଆଇ ମେଡିକାଲ କଲେଜ ଓ ହସ୍ପିଟାଲ ପ୍ରତିଷ୍ଠା କରିବା, ସରକାରୀ ଡାକ୍ତରଖାନାକୁ ଏମ୍ସ ଷ୍ଟାଣ୍ଡାର୍ଡ ହସ୍ପିଟାଲ କରିବା ଭଳି ବିଭିନ୍ନ ଦାବିକୁ ସରକାର ପୂରଣ କରୁନଥିବା ମଧ୍ୟ ଅଭିଯୋଗ ହେଉଛି। କିନ୍ତୁ ନିଶାମୁକ୍ତ କରିବା କଥା କହୁଥିବା ରାଜ୍ୟ ସରକାର ରାଉରକେଲା ସହର ଓ ସହର ନିକଟବର୍ତ୍ତୀ ଅଞ୍ଚଳରେ ଦେଶୀ ମଦ ଭାଟି ଓ ମଦ ଦୋକାନ ଖୋଲିବା ପାଇଁ ନେଇଥିବା ନିଷ୍ପତ୍ତିକୁ ବିରୋଧ ତୀବ୍ର ବିରୋଧ କରାଯାଇଛି ।
ନିଶାମୁକ୍ତ ଓଡିଶା କରିବାକୁ ପ୍ରତିଶ୍ରୁତି ଦେଇ ଡବଲ ଇଞ୍ଜିନ ସରକାର ମଦର ପ୍ରସାର କରୁଥିବା ଉଦ୍ୟମକୁ ନିନ୍ଦା କରାଯାଇଛି ।….

