ମାଲକାନଗିରି : ମହିଳାଙ୍କ ହତ୍ୟାକୁ ନେଇ ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକର ଦୁଇଟି ଗାଁ ଅଶାନ୍ତ। ରାଖାଲଗୁଡ଼ା ଓ ଏମଭି ୨୬ ଗାଁ ମଧ୍ୟରେ ସଂଘର୍ଷ ପରେ ସେହି ଅଞ୍ଚଳରେ ୨୪ ଘଣ୍ଟା ପାଇଁ ଇଣ୍ଟରନେଟ ବନ୍ଦ କରାଯାଇଛି। କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ତିନି ଦିନ ହେଲାଣି ପୁରା ଅଞ୍ଚଳରେ ଲାଗି ରହିଛି ପ୍ରବଳ ଉତ୍ତେଜନା। ଏଯାଏ ମହିଳାଙ୍କ ମୁଣ୍ଡ ମିଳି ନାହିଁ କିମ୍ଵା ଘଟଣାସ୍ଥଳରୁ ମହିଳାଙ୍କ ମୃତଦେହ ଉଠି ନାହିଁ। ମୁଣ୍ଡ ଖୋଜୁଛି ପ୍ରଶାସନ। ନଦୀ ପାଣି ଅଟକାଇ ମୁଣ୍ଡ ଖୋଜାଯାଉଛି। ଗତକାଲି ଧନୁତୀର, ଫାର୍ସା ଓ ପାରମ୍ପରିକ ଅସ୍ତ୍ରଶନ୍ତ୍ର ଧରି ବିକ୍ଷୋଭ ପ୍ରଦର୍ଶନ କରିଥିଲେ ଆଦିବାସୀ। ମୁହାଁମୁହିଁ ସ୍ଥିତିରେ ଉଭୟ ଗାଁ ଲୋକେ। ଘର, ଗାଡ଼ି ସମେତ ଦୋକାନ ବଜାର ଜାଳି ଦେଇଛନ୍ତି ଦୁର୍ବୃତ୍ତ। ଘଟଣାକୁ ୪ ଦିନ ବିତିଥିଲେ ମଧ୍ଯ ପରିସ୍ଥିତିରେ ଆସୁନି ସୁଧାର । ନାକେଦମ ହେଲେଣି ସ୍ଥାନୀୟ ପ୍ରଶାସନ ଓ ପୋଲିସ । ସ୍ଥିତି ଉପରେ ତୀକ୍ଷଣ ନଜର ରଖିବା ସହିତ ଗାଡ଼ି ମୋଟର ଯାଞ୍ଚ କରାଯାଉଛି। ଘଟଣାର ସମୀକ୍ଷା କରିଛନ୍ତି କୋରାପୁଟ ଆଇଜି ।
