ଘରେ ପଶିଗଲା ବୋଲି କୁକୁରକୁ ତୀରମାଡ଼

ବାଲେଶ୍ୱର: କରୋନା ପାଇଁ ଲକଡାଉନ୍, ସଟ୍ ଡାଉନରେ ବୁଲା ପଶୁମାନେ ଖାଇବାକୁ ପାଉନଥିବା ବେଳେ ପୁଣି ଦାଉ ସାଧିଛି ବାତ୍ୟା ‘ୟାସ୍’ । ବାତ୍ୟା ପରେ ଖାଇବାକୁ ନପାଇ ଏକ କୁକୁର ଜଣେ ବ୍ୟକ୍ତିଙ୍କ ଘରେ ପଶି ଯାଇଥିଲା । ଏଥିରେ ଉତକ୍ଷିପ୍ତ ହୋଇ ବ୍ୟକ୍ତି ଜଣଙ୍କ କୁକୁରଟିକୁ ତୀରମାଡ଼ କରିଛନ୍ତି । ବାଲେଶ୍ବର ଜିଲ୍ଲା ଖନ୍ତାପଡ଼ା ଥାନା ନୂଆପଡ଼ା ଗାଁରେ ଏଭଳି ଘଟଣା ଘଟିଛି ।

ଦେହରେ ତୀର ଲାଗିଥିବା ବେଳେ ଆହତ କୁକୁରଟି ରାସ୍ତାରେ ଏଣେତେଣେ ବୁଲୁଥିଲା । କିଛି ସହୃଦୟ ଯୁବକ କୁକୁରଟିକୁ ଡାକ୍ତରଖାନା ନେଇ ଅପରେସନ କରି ତୀରଟିକୁ ବାହାର କରି ଚିକିତ୍ସା କରିବା ପରେ କୁକୁରଟି ସୁସ୍ଥ ଥିବା ଜଣାପଡ଼ିଛି । କୁକୁରକୁ ଏଭଳି ତୀରମାଡ଼ କରିବାକୁ ନାପସନ୍ଦ କରିଛନ୍ତି ପଶୁପ୍ରେମୀ ।