spot_img

Latest Posts

ଘୋଷଣାରେ ରହିଗଲା ମେଡିକାଲ କଲେଜ ! ନବରଙ୍ଗପୁରରେ ଅଧାରେ ଅଟକିଛି ନିର୍ମାଣ ସ୍ୱପ୍ନ

ନନ୍ଦିଘୋଷ ବ୍ୟୁରୋ : ସରକାରଙ୍କ ଘୋଷଣା ପାଣିର ଗାର । ଅଧାରେ ଅଟକିଛି ମେଡିକାଲ କଲେଜ ସ୍ବପ୍ନ । ଭିତ୍ତିପ୍ରସ୍ତରରେ ରହିଯାଇଛି ନିର୍ମାଣ ପ୍ରକ୍ରିୟା। ବଢ଼ୁଛି ଜନ ଅସନ୍ତୋଷ। ନବରଙ୍ଗପୁରରେ ମେଡିକାଲ କଲେଜ ଓ ହସ୍ପିଟାଲ ପ୍ରତିଷ୍ଠା ନେଇ ଘୋଷଣା କରିଥିଲେ ସରକାର। ୨୦୨୬ ଫେବୃଆରୀ ୧୩ରେ ମୁଖ୍ୟମନ୍ତ୍ରୀ ଏହି ପ୍ରସ୍ତାବିତ ସରକାରୀ ମେଡିକାଲ କଲେଜ ଓ ହସ୍ପିଟାଲର ଭିତ୍ତିପ୍ରସ୍ତର ସ୍ଥାପନ କରିଥିଲେ। ୫୦ ଏକରରୁ ଅଧିକ ଜମିରେ ଏହି ମେଡିକାଲ କଲେଜ ପ୍ରତିଷ୍ଠା ହେବ ଏବଂ ଏଥିରେ ୧୦୦ MBBS ସିଟ୍ ସହ ୪୨୦ ଶଯ୍ୟାର ହସ୍ପିଟାଲ ରହିବା ନେଇ ସରକାରୀ ଭାବେ ସୂଚନା ଦିଆଯାଇଥିଲା। ତେବେ ଭିତ୍ତିପ୍ରସ୍ତର ସ୍ଥାପନ ପରେ ନିର୍ମାଣ କାର୍ଯ୍ୟର ଅଗ୍ରଗତି ଠପ ହୋଇପଡ଼ିଛି। ଜମି ଚିହ୍ନଟ ସହ ଟେଣ୍ଡର ପ୍ରକ୍ରିୟା ଆରମ୍ଭ ହୋଇନଥିବା ଅଭିଯୋଗ ହୋଇଛି। ସେହିପରି ପାଣ୍ଠି ପ୍ରଦାନ ନେଇ ସ୍ପଷ୍ଟତା ରହୁନାହିଁ ବୋଲି ବିରୋଧୀ ବିଜେଡି ଓ କଂଗ୍ରେସ ଅଭିଯୋଗ କରିଛନ୍ତି।

ବିଭିନ୍ନ ସମୟରେ ନବରଙ୍ଗପୁର ଜିଲ୍ଲା ପାଇଁ ଅନେକ ବହୁମୁଖୀ ପ୍ରକଳ୍ପ ଘୋଷଣା ହୋଇଥିଲେ ମଧ୍ୟ ସେଗୁଡ଼ିକର କାର୍ଯ୍ୟକାରିତା ହୋଇନାହିଁ। ତେଣୁ ନିର୍ମାଣ ପ୍ରକ୍ରିୟାରେ ବିଳମ୍ବ ସନ୍ଦେହ ବଢ଼ାଉଛି ବୋଲି ବୁଦ୍ଧିଜୀବୀ କହିଛନ୍ତି। ସେପଟେ DPR ପ୍ରସ୍ତୁତି ପ୍ରକ୍ରିୟା ଚାଲିଛି। ପ୍ରକ୍ରିୟାଗତ କାମ ଶେଷ ହେବା ପରେ ନିର୍ମାଣ କାର୍ଯ୍ୟ ଆଗକୁ ବଢ଼ିବ ବୋଲି ସେ ନବରଙ୍ଗପୁର ବିଧାୟକ କହିଛନ୍ତି।

Latest Posts

Don't Miss