ମିସ୍ ଥାଇଲାଣ୍ଡ ଲାଗି କରୁଥିଲେ ଫଟୋସୁଟ; ପାଣିରେ ଖସିପଡିଲେ ୩୦ ମଡେଲ୍

ନୂଆଦିଲ୍ଲୀ: ସୋସିଆଲ୍ ମିଡିଆରେ କିଛି ମଡେଲଙ୍କ ଭିଡିଓ ଭାଇରାଲ୍ ହେବାରେ ଲାଗିଛି । ଭିଡିଓରେ ପ୍ରାୟ ୩୦ ଜଣ ମଡେଲ୍ ମିସ୍ ଥାଇଲାଣ୍ଡ ପାଇଁ ଫଟୋସୁଟ୍ କରୁଥିବା ବେଳେ ଅଚାନକ ପୋଲ ଭାଙ୍ଗି ଯାଇଥିଲା ।

ସୂଚନା ମୁତାବକ ପୋଲ ଉପରେ ମଡେଲ୍ ମାନେ ଠିଆ ହୋଇଥିବା ବେଳେ କ୍ୟାମେରାମ୍ୟାନ୍  ସେମାନଙ୍କର ଫଟୋସୁଟ୍ କରୁଥିଲେ । ଏହି ସମୟରେ ଅଚାନକ ପୋଲ ଭାଙ୍ଗିଯିବାରୁ ସବୁ ମଡେଲ୍ ତଳେ ଥିବା ପୋଖରୀରେ ଖସି ପଡିଥିଲେ।

Miss Thailand contestants plunge into pond as bridge collapses during photo shoot pic.twitter.com/dkOhCbNC7D

— The Sun (@TheSun) December 8, 2020

ଏଭଳି ଘଟଣା ଘଟିଛି ଥାଇଲାଣ୍ଡର ଚାଙ୍ଗ ମଇରେ । ଏକ କାଫେରେ ଏହି ଫଟୋସୁଟ୍ ହେଉଥିବା ବେଳେ ଏଭଳି ଅଘଟଣ ଘଟିଥିଲା । ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେଉଛି ।

ଏନେଇ କାଫେର ମାଲିକ Worapot Chatkanjana କୁହନ୍ତି ଯେ ପୋଲଟି ବହୁତ ମଜଭୁତ ରହିଥିଲା । ବୋଧହୁଏ ଓଜନ ଅଧିକା ହେବାରୁ ଏହି ଅଘଟଣ ଘଟିଛି । ସେ ମଡେଲ୍ ମାନଙ୍କ ଟ୍ରିଟମେଣ୍ଟ ପାଇଁ ପ୍ରାୟ ୧୨,୨୪,୧୮୮ ଟଙ୍କା ଦେଇଥିବା ଜଣାପଡିଛି ।