ନନ୍ଦିଘୋଷ ବ୍ୟୁରୋ: ବାତ୍ୟା ଆକୱାନ ମୁକାବିଲା ପାଇଁ ଅଗ୍ନିଶମ ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି। ଭୂସ୍ଖଳନ ଓ ଜଳବନ୍ଦୀ ମୁକାବିଲା ପାଇଁ ସ୍ୱତନ୍ତ୍ର ରଣନୀତି। ରାଜ୍ୟରେ ୩୮୮ ଅଗ୍ନିଶମ ଟିମ୍ ପ୍ରସ୍ତୁତ ଥିବାବେଳେ ୨୧୬ଟି ଟିମ୍ ମୁତୟନ ହୋଇଛନ୍ତି। ଉଦ୍ଧାର କାର୍ଯ୍ୟ ପାଇଁ ୧୮୧ଟି ରବର ବୋଟ୍ ଓ ୧୦୨ଟି ଡିୱାଟରିଂ ପମ୍ପ ରଖାଯାଇଛି। ପୁରୀ, ଗଞ୍ଜାମ ସମେତ ୧୨ଟି ଜିଲ୍ଲା ଉପରେ ସ୍ୱତନ୍ତ୍ର ନଜର ରହିଛି । ଭୂସ୍ଖଳନ ଆଶଙ୍କା ଥିବା ଗାଁ ଚିହ୍ନଟ କରାଯାଇ ଲୋକଙ୍କୁ ସ୍ଥାନାନ୍ତର କରାଯାଉଛି। ଲୋକଙ୍କୁ ସ୍ଥାନାନ୍ତର ପ୍ରକ୍ରିୟା ଜାରି ରହିଛି। ପୂର୍ବ ବାତ୍ୟାରେ ଭୂସ୍ଖଳନରେ ଯାଇଥିଲା ଜୀବନ। ଏଥର ଆଗୁଆ ସତର୍କ ରହିଛି ଅଗ୍ନିଶମ ବିଭାଗ। ପୁରୀ ସମୁଦ୍ର କୂଳରେ ଲାଲ୍ ପତାକା ଦ୍ୱାରା, ସମୁଦ୍ର ସ୍ନାନ ଓ ଜଳକ୍ରୀଡ଼ା ଉପରେ କଟକଣା ଲଗାଯାଇଛି । ଲାଇଫ ଗାର୍ଡ ମାନେ ପୁରା ଘଟଣା ଉପରେ ନଜର ରଖିଛନ୍ତି । ଜରୁରୀ ପରିସ୍ଥିତିରେ ୧୧୨ ନମ୍ବରକୁ କଲ୍ କରିବାକୁ ଅଗ୍ନିଶମ ଡିଜି ସୁଧାଂଶୁ ଷଡ଼ଙ୍ଗୀ ନିବେଦନ କରିଛନ୍ତି।

