ରାଜ୍ୟରେ କରୋନାରେ ଆଉ ୪ ମୃତ, ମୃତ୍ୟୁ ସଂଖ୍ୟା ୫୨କୁ ବୃଦ୍ଧି
1 min readଭୁବନେଶ୍ୱର: କରୋନାରେ ଆଜି ଆଉ ୪ଜଣଙ୍କର ମୃତ୍ୟୁ ହୋଇଛି । ମୃତ୍ୟୁସଂଖ୍ୟା ୫୨କୁ ବୃଦ୍ଧି ପାଇଛି । ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । ୪ମୃତକଙ୍କ ମଧ୍ୟରୁ ୩ ଜଣ ଗଞ୍ଜାମ ଓ ଜଣେ ଭଦ୍ରକର ବୋଲି ସୂଚନା ମିଳିଛି । ଏହାକୁ ମିଶାଇ ଗଞ୍ଜାମରେ ମୃତ୍ୟୁସଂଖ୍ୟା ୩୦କୁ ବୃଦ୍ଧି ପାଇଛି । ଆଜି ଗଞ୍ଜାମ ଜିଲ୍ଲାରୁ ସର୍ବାଧିକ ୨୬୦ ପିଜିଟଭ୍ ଚିହ୍ନଟ ହୋଇଥିବା ବେଳେ ୩ ଜଣଙ୍କର ମୃତ୍ୟୁ ମଧ୍ୟ ହୋଇଛି ।
3. Male of 63 years of Ganjam district, also suffering from Diabetes.
4. Male of 58 years of Bhadrak district, also suffering from Diabetes and Chronic Kidney Disease.
— H & FW Dept Odisha (@HFWOdisha) July 9, 2020
ଗଞ୍ଜାମର ୬୫ ବର୍ଷୀୟ ମହିଳାଙ୍କର ମୃତ୍ୟୁ ହୋଇଛି । ମହିଳା ଜଣଙ୍କ କୋଭିଡ୍ ଆକ୍ରାନ୍ତ ହେବା ସହ ମଧୁମେହ ଓ ଉଚ୍ଚରକ୍ତଚାପରେ ପିଡୀତ ଥିଲେ । ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ସେ ପ୍ରାଣ ହରାଇଛନ୍ତି । ଏହା ସହ ମୃତକଙ୍କ ମଧ୍ୟରୁ ଆଉ ଜଣେ ୫୮ ବର୍ଷୀୟ ମହିଳା ଯକ୍ଷ୍ମା ମେନେନଜାଇଟିସ୍ ରୋଗରେ ପୀଡିତ ଥିଲେ । କରୋନା ପାଇଁ ଚିକିତ୍ସିତ ହେଉଥିବା ବେଳେ ମହିଳା ଜଣକ ମେଡିକାଲରେ ମୃତ୍ୟୁ ବରଣ କରିଛନ୍ତି ।
ରାଜ୍ୟରୁ ଆଉ ୫୭୭ କରୋନା ପଜିଟିଭ ଚିହ୍ନଟ… କ୍ୱାରେଣ୍ଟାଇନ କେନ୍ଦ୍ରରୁ ୪୧୬, ଲୋକାଲ୍ କେସ ୧୬୧
ଗଞ୍ଜାମର ଆଉ ଜଣେ ମୃତକଙ୍କର ୬୩ ବୟସ ଥିଲା । ୬୩ ବର୍ଷୀୟ ବ୍ୟକ୍ତି ମଧୁମେହରେ ମଧ୍ୟ ପୀଡିତ ଥିଲେ ଓ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଅପରପକ୍ଷରେ ଭଦ୍ରକର ଜଣେ ୫୮ ବର୍ଷୀୟ ବ୍ୟକ୍ତି କରୋନା ଯୋଗୁଁ ମୃତ୍ୟୁ ବରଣ କରିଛନ୍ତି । ସେ ମଧୁମେହ ସହ କିଡନୀ ରୋଗରେ ମଧ୍ୟ ପୀଡିତ ଥିଲେ । ଆଜି ରାଜ୍ୟର ୨୨ଜିଲ୍ଲାରୁ ଆଉ ୫୭୭ ନୂଆ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୪୧୬ ଓ ଲୋକାଲ୍ କେସ୍ ୧୬୧ ରହିଛି । ଏହାକୁ ମିଶାଇ ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୧୧ହଜାର ୨୦୧କୁ ବୃଦ୍ଧି ପାଇଛି ।
