ନୟାଗଡ଼ : ନୟାଗଡ଼ରେ ଗ୍ୟାସ ସଙ୍କଟ । ଗ୍ୟାସ ନ ପାଇ ଉପଭୋକ୍ତାଙ୍କ ରାସ୍ତା ରୋକ । ଗ୍ୟାସ ପାଇବା ପାଇଁ ଏଚପି ଗ୍ୟାସ କାଉଣ୍ଟର ନିକଟରେ ରାସ୍ତା ରୋକ କଲେ ଲୋକେ । ରାସ୍ତା ରୋକ ଯୋଗୁଁ ଜାନବାହାନ ଚଳାଚଳ ପ୍ରଭାବିତ ହୋଇଛି । ନୟାଗଡ଼ ଟାଉନ ଥାନା ପୋଲିସ ଏବଂ ଯୋଗାଣ ଅଧିକାରୀ ଉପଭୋକ୍ତାଙ୍କୁ ବୁଝା ସୁଝା କରିବାକୁ ଚେଷ୍ଟା କରିଛନ୍ତି । ବୁକିଂ କରିଥିଲେ ମଧ୍ୟ ଗ୍ୟାସ ଠିକ ରେ ମିଳୁ ନଥିବାରୁ ଏହାର ପ୍ରଭାବ ହାଣ୍ଡିଶାଳ ଉପରେ ପଡ଼ିଥିବା କହିଛନ୍ତି ହିତାଧିକାରୀ । ଗୋଟେ ପଟେ ଗ୍ୟାସ ସଙ୍କଟ ନଥିବା କଥା ରାଜ୍ୟ ସରକାର କହୁଥିବା ବେଳେ ଏହାର ବାସ୍ତବ ସ୍ଥିତି କିନ୍ତୁ ସମ୍ପୂର୍ଣ ଓଲଟା । ପ୍ରତ୍ୟେକ ଦିନ ଶତାଧିକ ଲୋକ ଗ୍ୟାସ ପାଇଁ ଆସି ଫେରୁଥିବା ଅଭିଯୋଗ କରିଛନ୍ତି । ସେପଟେ ନୟାଗଡ ଜିଲ୍ଲା ଯୋଗାଣ ଅଧିକାରୀ ମୁରଲୀ କ୍ରିଷ୍ଣା ରାଉ କହିଛନ୍ତି ଯୋଗାଣ ଠିକ ଠାକ ଚାଲିଛି, ଏବଂ ଗ୍ୟାସ ମହଜୁଦ ଅଛି । କିନ୍ତୁ ଉପଭୋକ୍ତା ମାନେ ମିଛ କହି ରାସ୍ତା ରୋକ କରୁଛନ୍ତି।
