ନୟାଗଡ଼ : ୪ ମାସର ଭତ୍ତା ନ ମିଳିଥିବାରୁ ଜିଲ୍ଲାପାଳ ଅଫିସ ଘେରାଉ । ନୟାଗଡ଼ ବ୍ଲକ ବାଲୁଗାଁ ଗ୍ରାମପଞ୍ଚାୟତର ବୃଦ୍ଧବୃଦ୍ଧାମାନେ ଭତ୍ତା ପାଇ ନଥିବାରୁ ପ୍ରତିବାଦରେ ଦେଇଛନ୍ତି ଧାରଣା। ବୃଦ୍ଧବୃଦ୍ଧାଙ୍କ କହିବା ଅନୁଯାୟୀ ବ୍ୟାଙ୍କ ମାଧ୍ୟମରେ ସରକାରଙ୍କ ତରଫରୁ ପ୍ରଦାନ କରାଯାଉଥିବା ଭତ୍ତା ୪ ମାସ ଧରି ବ୍ୟାଙ୍କ ଖାତାକୁ ଆସିନାହିଁ। ବାରମ୍ବାର ବ୍ଲକ କାର୍ଯ୍ୟାଳୟରେ ଏବିଷୟରେ ଜଣାଇଲେ ମଧ୍ୟ ଫଳ ଶୂନ। ସେପଟେ ବୃଦ୍ଧାବୃଦ୍ଧାଙ୍କୁ ୧୦ ଦିନ ମଧ୍ୟରେ ବ୍ୟାଙ୍କ ଖାତାକୁ ଟଙ୍କା ଯିବ ବୋଲି ପ୍ରତିଶୃତି ଦେବାରୁ ଆନ୍ଦୋଳନ ହଟି ଥିଲା । ଯଦି ଆଗାମୀ ଦିନରେ ବୃଦ୍ଧବୃଦ୍ଧାମାନେ ଭତ୍ତାରୁ ବଂଚିତ ହୁଅନ୍ତି ତେବେ ରାଜରାସ୍ତାରେ ଆନ୍ଦୋଳନ କରିବେ ଓ ଏଥିପାଇଁ ଜିଲ୍ଲା ପ୍ରଶାସନ ଦାୟୀ ରହିବେ ବୋଲି ଚେତାବନୀ ଦେଇଛନ୍ତି ।
