ନିଆଳି : ନିଆଳି କଣ୍ଟାପଡା ବ୍ଲକରେ ଅଭାବନୀୟ ସ୍ଥିତି। ବ୍ଲକ କାର୍ଯ୍ୟାଳୟକୁ ନିର୍ବାଚିତ ପ୍ରତିନିଧିଙ୍କ ପ୍ରବେଶ ନିଷେଧ l ବ୍ଲକ କାର୍ଯ୍ୟାଳୟରେ ତାଲା ପକାଇଲା ପ୍ରଶାସନ l ଫଳରେ ଧାରଣାରେ ବସିଲେ ନିର୍ବାଚିତ ପ୍ରତିନିଧି। ପଞ୍ଚାୟତ ସମିତି ନିଷ୍ପତ୍ତିକୁ ମାନୁ ନାହିଁ ବ୍ଲକ ପ୍ରଶାସନ l ବ୍ଲକର ସମସ୍ତ ଉନ୍ନୟନ ଓ ଜନକଲ୍ୟାଣକାରୀ କାର୍ଯ୍ୟ ପଞ୍ଚାୟତ ସମିତି ଅଧ୍ୟକ୍ଷ୍ୟ ଓ ଉପାଧ୍ୟାକ୍ଷଙ୍କ ତତ୍ୱାବଧାନରେ କରାଯିବାକୁ ସମିତିର ୬ଷ୍ଠ ସାଧାରଣ ବୈଠକରେ ନିଷ୍ପତ୍ତି ହୋଇଥିଲା l ଏ ସମ୍ପର୍କରେ ବାରମ୍ବାର ଆଲୋଚନା ପରେ କୌଣସି କାର୍ଯ୍ୟକ୍ରମ କରା ନଯିବାରୁ ବିଡିଓଙ୍କୁ ଏକ ସ୍ମାରକ ପତ୍ର ପ୍ରଦାନ କରାଯାଇଥିଲା l ଆଜି ନିର୍ବାଚିତ ପ୍ରତିନିଧି ମାନେ ଆଲୋଚନା ପାଇଁ ବ୍ଲକ ଅଫିସ ଆସିଥିବା ସମୟରେ କାର୍ଯ୍ୟାଳୟରେ ପ୍ରଶାସନ ତାଲା ପକାଇଥିବା ଦେଖିବାକୁ ମିଳିଥିଲା। ବ୍ୟାପକ ପୋଲିସ ସୁରକ୍ଷାରେ ଥିବା ମଧ୍ୟ ଦେଖିବାକୁ ମିଳିଥିଲା l ପ୍ରଶାସନର ଏପରି ପଦକ୍ଷେପର ପ୍ରତିବାଦ କରି କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ।
