ନୀଳଗିରି : ସୁନା ବିସ୍କୁଟ ଦେବାକୁ କହି ଠକିନେଲେ ଲକ୍ଷାଧିକ ଟଙ୍କା । ନୀଳଗିରି ଥାନରେ ଅଭିଯୋଗ ପରେ ୬ ଅଭିଯୁକ୍ତଙ୍କୁ ଗିରଫ କଲା ପୋଲିସ । ଅଭିଯୁକ୍ତଙ୍କ ନିକଟରୁ ଦୁଇଟି ବାଇକ୍ ସହ ନଗଦ ୩ଲକ୍ଷ ୨୯ହଜାର ଟଙ୍କା ଓ ୫ଟି ମୋବାଇଲ ଫୋନ ଜବତ କରିଛି ନୀଳଗିରି ପୋଲିସ । ପୁରୀ ବ୍ରହ୍ମପୁର ଅଞ୍ଚଳର ଜଣେ ଶିକ୍ଷକଙ୍କ ଠାରୁ ହୋଇଛି ଠକେଇ । ବ୍ରହ୍ମପୁର ଅଞ୍ଚଳରୁ ଶିକ୍ଷକ ଜଣକ ଲୋଭର ବଶବର୍ତ୍ତୀ ହୋଇ ଅଳ୍ପ ଟଙ୍କା ମୁଲ୍ୟରେ ସୁନା ବିଷ୍କୁଟ ନେବା ପାଇଁ ଆସିଥିଲେ । ଠକାମିର ଶିକାର ପରେ ନୀଳଗିରି ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇ ନୀଳଗିରି ପୋଲିସ ୬ଜଣକୁ ବାନ୍ଧିବାରେ ସଫଳ ହୋଇଛି । ଅଧିକ ତଦନ୍ତ ଜାରୀ ରଖିଛି ନୀଳଗିରି ପୋଲିସ ।
