ଭୁବନେଶ୍ବର : ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ୍ ମାମଲାରେ ଅଭିଯୁକ୍ତ ନିର୍ଦ୍ଦୋଷରେ ଖଲାସ। ସାକ୍ଷ୍ୟ ପ୍ରମାଣ ଅଭାବରୁ ଅଭିଯୁକ୍ତ ସତୀଶ ରେଡ୍ଡିକୁ ନିର୍ଦ୍ଦୋଷରେ ଖଲାସ କରିଛନ୍ତି କୋର୍ଟ। ଭୁବନେଶ୍ଵର JMFC ୩ କୋର୍ଟ ପକ୍ଷରୁ ସ୍ପାଇଡର ସତୀଶଙ୍କୁ Not found guilty କରି ନିର୍ଦ୍ଦୋଷରେ ଖଲାସ କରାଗଲା। ପୋଲିସର Mistake of fact ଓ ଅଦାଲତରେ ଆବଶ୍ୟକ ତଥ୍ୟର ଅଭାବରୁ ନିର୍ଦ୍ଦୋଷରେ ଖଲାସ ହେଲେ ସ୍ଲାଇଡର ସତୀଶ। ଏ ନେଇ ନନ୍ଦିଘୋଷ ଟିଭି କ୍ୟାମେରା ସମ୍ମୁଖରେ ପୋଲିସ ର ପୋଲ୍ ଖୋଲିଛନ୍ତି ସତୀଶଙ୍କ ଆଇନଜୀବୀ। ୨୦୨୫ ମସିହା ଜାନୁଆରୀ ୨୬ ତାରିଖ ରାତି ପ୍ରାୟ ୨ ଟା ୩୦ ସମୟରେ ନିରଞ୍ଜନଙ୍କ ନୟାପଲ୍ଲୀ ଘରୁ ସୁନା ଅଳଙ୍କାର ଟଙ୍କା, ଦାମୀ ଘଡି ଲୁଟ ନେଇ ଅଭିଯୋଗ ହୋଇଥିଲା । ଶତାଧିକ ସିସିଟିଭି ଯାଞ୍ଚ ଓ ସ୍ଥାନୀୟ ଲୋକଙ୍କୁ ପଚରାଉଚରା, ସନ୍ଧାନୀ କୁକୁର ର ସନ୍ଧାନ ପରେ ଫେବୃଆରୀ ୧୩ ରେ ସତୀଶଙ୍କୁ କୋର୍ଟଚାଲାଣ କରିଥିଲା ପୋଲିସ । ବହୁ ଆଡମ୍ବରରେ କ୍ରାଇମ ସିନ ରିକ୍ରିଏସନ ମଧ୍ୟ କରାଯାଇଥିଲା । ଗତବର୍ଷ ଏପ୍ରିଲ ୨୫ ରେ ଚାର୍ଜସିଟ ଦାଖଲ ହୋଇଥିଲା। ସତୀଶ ବିରୋଧରେ ୩୪ ଟି କେସ ଥିବା ସେତବେଳେ କୁହାଯାଇଥିଲା । କିନ୍ତୁ ଫିଲ୍ମ ଷ୍ଟାଇଲରେ ଚିତ୍ରଣ କରାଯାଇଥିବା ଏହି କେସ ଗୁଡିକର ପ୍ରମାଣ, ମାନ୍ୟବର କୋର୍ଟଙ୍କ ନିକଟରେ ଦାଖଲ କରିପାରିନଥିଲା ପୋଲିସ । ଏପରିକି ଏତେ ସବୁ କେସର ସତ୍ୟତା ନେଇ ମଧ୍ୟ ପ୍ରଶ୍ନ ଉଠିଥିଲା । ଯେଉଁଥିପାଇଁ ପୋଲିସର ତଦନ୍ତ ପ୍ରକ୍ରିୟା କୁ ଭର୍ତ୍ସନା କରିଛନ୍ତି କୋର୍ଟ।
