ନୂଆଦିଲ୍ଲୀରେ ଦୁଇଦିନିଆ ‘ନୋ ମନି ଫର ଟେରର’ ସମ୍ମିଳନୀ, ଆତଙ୍କବାଦୀଙ୍କୁ ପାଣ୍ଠି ବିରୋଧରେ ସାରା ବିଶ୍ୱ ଏକ

ନୂଆଦିଲ୍ଲୀ: ଆତଙ୍କବାଦୀଙ୍କୁ ପାଣ୍ଠି ଯୋଗାଣ ନେଇ ଉଦବେଗ । ନୂଆଦିଲ୍ଲୀରେ ଆୟୋଜିତ ’ନୋ ମନି ଫର ଟେରର’ ସମ୍ମିଳନୀରେ ଆତଙ୍କବାଦ ବିରୋଧରେ ମିଳିତ ସଂଗ୍ରାମ ଲାଗି ଆହ୍ୱାନ ଦିଆଯାଇଛି । କେତେକ ଦେଶ ଆତଙ୍କବାଦକୁ ନିଜର ବୈଦେଶିକ ନୀତି ଭାବେ ଗ୍ରହଣ କରିଥିବାବେଳେ କେତେକ ଦେଶ ଆତଙ୍କୀ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଛଘୁଞ୍ଚା ଦେଉଛନ୍ତି । ଯେଉଁ ସଂଗଠନ ଓ ବ୍ୟକ୍ତିବିଶେଷ ଆତଙ୍କବାଦୀମାନଙ୍କୁ ସମବେଦନା ଦେଖାଉଛନ୍ତି ସେମାନ ବିରୋଧରେ ବିଶ୍ୱ ସମୁଦାୟ ଏକ ହେବା ଉଚିତ ବୋଲି ଆହ୍ୱାନ ଦିଆଯାଇଛି ।

ଯେଉଁ ରାଷ୍ଟ୍ର ଆତଙ୍କବାଦକୁ ସମର୍ଥନ କରୁଛନ୍ତି ସେହି ରାଷ୍ଟ୍ରରୁ ଆତଙ୍କୀ କାର୍ଯ୍ୟକଳାପଜନିତ କ୍ଷତି ଭରଣା କରିବା ଉଚିତ ବୋଲି ଆହ୍ୱାନ ଦିଆଯାଇଛି । ଆତଙ୍କବାଦୀଙ୍କ ବିରୋଧରେ ପଦକ୍ଷେପ ନେବା କ୍ଷେତ୍ରରେ ଚୀନ ବିଫଳ ହୋଇଛି ବୋଲି ବୈଠକରେ ଅଭିଯୋଗ ହୋଇଛି । ସମ୍ମିଳନୀରେ ବିଶ୍ୱର ବିଭିନ୍ନ ଦେଶର ପ୍ରାୟ ୪୫୦ ପ୍ରତିନିଧି ଯୋଗ ଦେଇଛନ୍ତି ।