ମଜାରେ ମଜାରେ ଅବିନାଶ ଧରିଦେଲେ ଏହି ଧଳା ସାପକୁ, ସ୍ନେକ୍‌ ହେଲ୍ପଲାଇନ୍‌ କହିଲା…

1 min read
Odisha News, Unique White snake 'Leucistic common krait' Rescued From Road Side

କେନ୍ଦ୍ରାପଡ଼ା: କେନ୍ଦ୍ରାପଡାରୁ ଉଦ୍ଧାର ହୋଇଛି ଏକ ବିରଳ ସାପ । ସମ୍ପୂର୍ଣ୍ଣ ଧଳା ଚିକ୍‌ଚିକ୍‌ କରୁଥିବା ଏହି ସାପ ସାଧାରଣତଃ ସବୁଠାରେ ଦେଖିବାକୁ ମିଳି ନଥାଏ । ଏହି ଧଳା ରଙ୍ଗର ବିରଳ ସାପ ଦେଖିବାକୁ ଲୋକଙ୍କ ପ୍ରବଳ ଭିଡ଼ ।

White Snake

କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଲକରେ ବାଲିସୁଆଁ ଗ୍ରାମରୁ ଉଦ୍ଧାର ହୋଇଛି ଏହି ବିରଳ ଧଳା ରଙ୍ଗର ସାପ । ସମ୍ପୂର୍ଣ୍ଣ ଧଳା ରଙ୍ଗର ଦେହ ଏବଂ କଳା ରଙ୍ଗର ଆଖି ଥିବା ଏହି ସାପଟିକୁ ବାଲିସୁଆଁ ଗାଁର ଯୁବକ ଅବିନାଶ ସ୍ୱାଇଁ ସୋମବାର ରାତି ପ୍ରାୟ ୧୦ଟା ବେଳେ ଏକ ରାସ୍ତାକଡ଼ରୁ ଉଦ୍ଧାର କରିଛନ୍ତି ।

ଧଳା ରଙ୍ଗର ଏଭଳି ସାପ ସେ ଆଗରୁ କେବେ ଦେଖି ନଥିଲେ । ତେଣୁ କୌତୁହଳ ବଶତଃ ସେ ଏକ ବାଡ଼ି ସାହାଯ୍ୟରେ, ଏକ ପ୍ଲାଷ୍ଟିକ ଡବା ଭିତରେ ସାପଟିକୁ ପୁରେଇ ଦେଇଥିଲେ । ଡବା ଭିତରୁ ଫୋଟୋ ଉଠେଇ ସ୍ନେକ ହେଲ୍ପ ଲାଇନର ସମ୍ପାଦକ ଶୁଭେନ୍ଦୁ ମଲ୍ଲିକଙ୍କୁ ଯୋଗାଯୋଗ କରିଥିଲେ । ସୁଭେନ୍ଦୁ ଏହି ଫଟୋ ଦେଖି ଏହା ଲିଉସିଷ୍ଟିକ ଚିତି(Leucistic common krait) ବୋଲି କହିଥିଲେ ।

White Snake

ଆଜି ସକାଳୁ ଶୁଭେନ୍ଦୁଙ୍କ ନିର୍ଦ୍ଦେଶରେ ସ୍ନେକ ହେଲ୍ପ ଲାଇନ ସଦସ୍ୟ ନଳିନୀ ପ୍ରସାଦ ଦାସ ବାଲିସୁଆଁ ଗ୍ରାମରେ ପହଞ୍ଚି ସେହି ସାପଟିକୁ ଉଦ୍ଧାର କରିଥିଲେ । ପରେ ସାପକୁ ତାର ପ୍ରାକୃତିକ ଆବାସ ସ୍ଥଳୀରେ ଛାଡି ଦିଆଯାଇଛି । ସାପଟି ଚିତି ସାପ ହୋଇଥିବାରୁ ଅନ୍ୟ ସାପ ଚିତି ସାପ ପରି ତା ପାଖରେ ମାରାତ୍ମକ ନ୍ୟୁରୋଟକ୍ସିକ ବିଷ ରହିଥିବା ସ୍ନେକ୍‌ ହେଲ୍ପ ଲାଇନ୍‌ ପକ୍ଷରୁ କୁହାଯାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner