ମୁଣ୍ଡ ବିହୀନ ଶବ ଉଦ୍ଧାର ଘଟଣାର ପର୍ଦ୍ଦାଫାସ୍ କଲା ସୁବର୍ଣ୍ଣପୁର ପୋଲିସ
ସୋନପୁର: ମୁଣ୍ଡ ବିହୀନ ଶବ ଉଦ୍ଧାର ଘଟଣାର ପର୍ଦ୍ଦାଫାସ୍ କଲା ସୁବର୍ଣ୍ଣପୁର ପୋଲିସ । ଗତ ୫ ତାରିଖରେ ଲୁତୁରପଙ୍କ ନିକଟ ଏକ ବିଲରୁ ମିଳିଥିବା ମୁଣ୍ଡ ଓ ହାତ, ଗୋଡ ବିହୀନ ମୃତ ଦେହକୁ ଉଦ୍ଧାର କରିଥିଲା ସୁବଳୟା ପୋଲିସ । ପରେ ମୃତ ଦେହର ପରିଚୟ ମିଳିଥିବାବେଳେ ସେ ଖଇରମାଳ ଗାଁର ମାନଭଞ୍ଜନ ବିଶ୍ୱାଳ ବୋଲି ଜଣା ପଡିଥିଲା ।
ଘଟଣାର ତଦନ୍ତ କରି ସେହି ଗାଁର ଗୁପ୍ତେଶ୍ୱର ବାଙ୍କକୁ ଅଟକ ରଖି ପଚରା ଉଚରା କରିଥିଲା ପୋଲିସ । ଅଭିଯୁକ୍ତଠାରୁ ଘଟଣା ବିଷୟରେ ଅବଗତ ହେବା ସହ ସାଖି ପ୍ରମାଣକୁ ଦୃଷ୍ଟିରେ ରଖି ତାଙ୍କୁ ପୋଲିସ ଗିରଫ କରିଛି । ତା ସହ ହତ୍ୟାକାଣ୍ଡରେ ବ୍ୟବହୃତ ଟାଙ୍ଗିଆକୁ ଜବତ କରି ଅଭିଯୁକ୍ତକୁ ଡାକ୍ତରି ମାଇନା ପରେ କୋର୍ଟଚାଲାଣ କରାଯାଇଛି ।
ଏନେଇ ଏକ ସାମ୍ବାଦିକ ସମ୍ମିଳନୀରେ ସୁଚନା ଦେଇଛନ୍ତି ସୁବର୍ଣ୍ଣପୁର ଜିଲ୍ଲା ଆରକ୍ଷି ଅଧିକ୍ଷକ । ଏହି ହତ୍ୟାକାଣ୍ଡ ପରକ୍ରିୟା ପ୍ରିତୀରୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଥିବା ସେ କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଜିଲ୍ଲା ଆରକ୍ଷି ଅଧିକ୍ଷକଙ୍କ ସହ ଅତିରିକ୍ତ ଆରକ୍ଷି ଅଧିକ୍ଷକ ରମେଶ ପାଣିଗ୍ରାହି, ସୋନପୁର ଏସଡିପିଓ ମିହିର ପଣ୍ଡା, ବୀରମହାରାଜପୁର ଭାରପ୍ରାପ୍ତ ଏସଡିପିଓ ଆନନ୍ଦ ବର୍ଦ୍ଧନ ଗୁରୁ ପ୍ରମୁଖ ଉପସ୍ଥିତି ଥିଲେ ।
