spot_img

Latest Posts

ମରୀଚିକା ପଛରେ ଯୁବପିଢ଼ି, ଅନଲାଇନ୍ ଗେମିଂରେ ଉଜୁଡୁଛି ଜୀବନ

ନନ୍ଦିଘୋଷ ବ୍ୟୁରୋ: ମରୀଚିକା ପଛରେ ଗୋଡାଉଛନ୍ତି । ମାୟାଜାଲରେ ଛନ୍ଦି ହେଉଛନ୍ତି । ଲକ୍ଷପତି ହେବା ନିଶାରେ ହରାଉଛନ୍ତି ସର୍ବସ୍ବ । ହାତରେ ମୋବାଇଲ, କିନ୍ତୁ ନିୟନ୍ତ୍ରଣ ଅନ୍ୟ ପାଖରେ । ଚଳିତ ବର୍ଷ ନଭେମ୍ବର ୧୨- ବାଲେଶ୍ଵର ଗୋପବନ୍ଧୁ ପାର୍କରେ ଅନଲାଇନ ଗେମିଙ୍ଗର ପ୍ରଚାର ପ୍ରସାର କରୁଥିବା ବେଳେ ୫ ଜଣଙ୍କୁ ଗିରଫ କରିଥିଲା ପୋଲିସ । ୧୯ ମେ’ – ଛେଣ୍ଡିପଦାର ମାନସ ବେହେରା ଅନଲାଇନ ଗେମରେ ଟଙ୍କା ହରାଇ ପ୍ରାଣ ହାରିଲେ । ୧୮ ଅଗଷ୍ଟ ୨୦୨୫- ସେହି ଡିଜିଟାଲ ଖେଳ ନେଇଥିଲା ଅସ୍ତରଙ୍ଗ ଅଂଚଳର ଜଣେ ଫାର୍ମାସୀ ଛାତ୍ରଙ୍କ ଜୀବନ। ମେ’ ୨୮ ୨୦୨୫ – ଅନଲାଇନ ଗେମିଂ ଆପ୍ ରେ ୧ କୋଟି ୮୦ ଲକ୍ଷ ଟଙ୍କା ଠକେଇ ଅଭିଯୋଗରେ ଓଡିଶା ପୋଲିସର କ୍ରାଇମବ୍ରାଞ୍ଚ ୨ ଜଣଙ୍କୁ ଗିରଫ କରି କୋର୍ଟଚାଲାଣ କରିଥିଲା। ଗୋଟିଏ ପରେ ଗୋଟିଏ ଘଟଣା ପୋଲିସ ପାଇଁ ମୁଣ୍ଡବିନ୍ଧାର କାରଣ ପାଲଟିଥିବା ବେଳେ ୨ ଦିନ ତଳେ ସଫ୍ଟୱେର ଇଞ୍ଜିନିୟରଙ୍କ କାରନାମା ଦେଖିବାକୁ ମିଳିଥିଲା । ଖେଳରେ ହାରିବା ପରେ ଜୁଏଲାରୀ ଲୁଟ୍ ଉଦ୍ୟମ କରି ଚନ୍ଦ୍ରଶେଖରପୁର ପୋଲିସ ହାତରେ ଧରାପଡିଛନ୍ତି ୨ କରିତକର୍ମା ।

ସାରା ଦେଶରେ ଅନଲାଇନ ଗେମିଂ ରୁଲ ଓ ରେଗୁଲେସନ୍ ନେଇ କଡ଼ାକଡ଼ି ନିୟମ ରହିଛି । ଗେମିଂ ଆପକୁ ବେଟିଂ ଆପରେ ପରିଣତ କରୁଥିବା ବ୍ୟକ୍ତିବିଶେଷ ବିରୋଧରେ ୩ରୁ ୫ ବର୍ଷ ପର୍ଯ୍ୟନ୍ତ ଜେଲଦଣ୍ଡ ସହ ୨ କୋଟି ପର୍ଯ୍ୟନ୍ତ ଜରିମାନର ପ୍ରାବଧାନ ରହିଛି। ପ୍ରଥମେ କମ୍ ଟଙ୍କା ଲଗାଇ ଜିତିବାର ମିଠା ପ୍ରଲୋଭନ ମିଳୁଛି । ଆଉ ତାପରେ ହାରିଥିବା ଟଙ୍କା ଫେରାଇ ଆଣିବାର ଜିଦ । ସଞ୍ଚିତ ଅର୍ଥ ସରିଗଲେ ଆରମ୍ଭ ହେଉଛି ଧାର କରଜ, କ୍ରେଡିଟ କାର୍ଡ ଓ ଲୋନ ଆପ୍ ର ଅନ୍ଧାରୀ ଯାତ୍ରା । ଋଣ ବଢୁଛି, ମାନସିକ ଶାନ୍ତି ହଜୁଛି । ହେଲେ ଗେମ୍ ଖେଳିବାର ନିଶା ଯାଉନି । ଯେଉଁଥିପାଇଁ ପାଣି ଫୋଟକା ଭଳି ଚାଲିଯାଉଛି ଜୀବନ । ତଥ୍ୟ ମୁତାବକ ୨୦୨୫ ମସିହାରେ ୪୫ କୋଟି ଲୋକ ଏହି ମାୟାଜାଲରେ ଫସି ହରାଇ ବସିଛନ୍ତି ପ୍ରାୟ ୨୦ ହଜାର କୋଟି ଟଙ୍କା । ଏଣୁ ବେଳ ଥାଉ ଥାଉ ସୁଧୁରିଯିବାର ସମୟ ଆସିଥିବା କହିଛନ୍ତି ଏକ୍ସପର୍ଟ ।

Latest Posts

Don't Miss