ମୋହନା ବିଡିଓଙ୍କୁ ମହଙ୍ଗା ପଡ଼ିଲା କ୍ଷମତାର ଦୁରୂପଯୋଗ, ଚାକିରିରୁ ହେଲେ ନିଲମ୍ବିତ

1 min read
Panchayatiraj Department Suspends Mohana BDO Bansidhar Khoshala

ମୋହନା: କ୍ଷମତାର ଦୁରୂପଯୋଗ ଅଭିଯୋଗରେ ମୋହନା ବିଡିଓ ବଂଶୀଧର ଖୋସଲା ନିଲମ୍ବିତ । ଗଞ୍ଜେଇ ସହ ଜବତ ହୋଇଥିବା କାଜୁକୁ ଚଞ୍ଚକତା କରି କମ୍ ଟଙ୍କାରେ ବିକ୍ରି କରିଥିବା ଅଭିଯୋଗରେ ନିଲମ୍ବନ କରିଛି ପଞ୍ଚାୟତିରାଜ ବିଭାଗ । ଘଟଣାରେ ୬ ଜଣଙ୍କ ନାମରେ ଅଡ଼ବା ଥାନାରେ ମାମଲା ରୁଜୁ ହୋଇଛି । ଘଟଣାରେ ଜଣେ ଏସଆଇ ଆଲୋକ ଜଗଦଲାଙ୍କୁ ପୂର୍ବରୁ ଗଜପତି ଏସପି ତପନ ପଟ୍ଟନାୟକ ନିଲମ୍ବନ କରିଛନ୍ତି ।

Panchayatiraj Department Supends Mohana BDO Bansidhar Khoshala

ଗଜପତି ଜିଲ୍ଲା ଅଡ଼ବା ଥାନା ମାଣ୍ଡିମେରା ନିକଟରେ ଗତ ଅଗଷ୍ଟ ୨୪ ତାରିଖରେ ଏକ କାଜୁ ବୋଝେଇ ଟ୍ରକ୍ ସହ ୨ କ୍ୱିଣ୍ଟାଲ ୪୪ କେଜି ଗଞ୍ଜେଇ ଜବତ ହୋଇଥିଲା । ୧୭ ଟନ୍ ୮୧୪ କେଜି କାଜୁ ମଧ୍ୟ ଜବତ ହୋଇଥିଲା । ଏହି ଗଞ୍ଜେଇ ଚୋରା ଚାଲାଣରେ ସମ୍ପୃକ୍ତ ୨ ଜଣକୁ ଗିରଫ କରାଯାଇଥିଲା । ତେବେ ଏଥିରେ ଚୋପା ଛଡ଼ା କାଜୁ ଜବତ ହୋଇଥିବା ବେଳେ ଚୋପା ଥିବା ଗୋଟା କାଜୁ ବୋଲି ଉଲ୍ଲେଖ କରି ମାତ୍ର ୧୪ ଲକ୍ଷ ଟଙ୍କାରେ ବିଡ଼ିଓ ବଂଶୀଧର ଖୋସଲା ବିକ୍ରି କରି ଦେଇଥିଲେ ।

Panchayatiraj Department Supends Mohana BDO Bansidhar Khoshala

ଯୋଗାଣ ଅଧିକାରୀ ଶଙ୍କର ବେହେରା ଓ ଥାନା ଅଧିକାରୀ ତପନ କୁମାର ପତିଙ୍କ ଉପସ୍ଥିତିରେ ଏହା ବିକ୍ରି କରାଯାଇଛି ବୋଲି କୋର୍ଟକୁ ଜଣାଇଥିଲେ ତଦନ୍ତକାରୀ ଅଧିକାରୀ । ତେବେ ତଥ୍ୟକୁ ଉପରେ ପୁନଃ ତଦନ୍ତ ପାଇଁ ଗଜପତି ଏସପିଙ୍କୁ ନିର୍ଦ୍ଦେଶ ଦେଇଥିଲେ କୋର୍ଟ । ତଦନ୍ତ ଆଧାରରେ ଆଜି କାର୍ଯ୍ୟାନୁଷ୍ଠାନ ନେଇଛି ପଞ୍ଚାୟତିରାଜ ବିଭାଗ ।

Opn Commnet Area

Leave a Reply

Your email address will not be published. Required fields are marked *

Close Bitnami banner