ଧନିଆ ଚାଷ କରି ଲାଭବାନ କୋରପୁଟ ଜିଲ୍ଲା ପଟ୍ଟାଙ୍ଗୀର ଅନେକ ଚାଷୀ

ପଟ୍ଟାଙ୍ଗୀ : କ୍ଷେତରେ ଲାଗିଛି ଧନିଆ ପତ୍ର ଗଛ । ଧନିଆ ପତ୍ର ଦେଖିବାକୁ ଯେତିକି ସୁନ୍ଦର ସ୍ଵାଦ ତାର ସେତିକି ନିଆରା । ପ୍ରତ୍ଯେକ ଘରେ ଲୋଡା ପଡେ ଧନିଆ ପତ୍ର । କିଏ ତରକାରୀରେ ପକାନ୍ତି ତ କିଏ ଚଟଣୀ କରି ଖାଆନ୍ତି । ଆଉ ଏହି ଧନିଆ ଚାଷ ଏବେ ଚାଷୀଙ୍କୁ ଦେଇଛି ରୋଜଗାର । କୋରାପୁଟ ଜିଲ୍ଲା ପଟ୍ଟାଙ୍ଗୀ ବ୍ଲକରେ ଏକର ଏକର ଜମିରେ ଚାଷୀ ଧନିଆ ଚାଷ କରି ବେଶ ଦୁଇ ପଇସା ରୋଜଗାର କରୁଛନ୍ତି । ସ୍ଵଳ୍ପ ଖର୍ଚ୍ଚରେ ୩୦ ରୁ ୩୫ ଦିନ ମଧ୍ୟରେ ଧନିଆ ପତ୍ର ଅମଳ ହେଉଛି ।…

ପଟ୍ଟାଙ୍ଗୀ ବ୍ଲକରେ ଅନ୍ଯ ଚାଷ ଅପେକ୍ଷା ଧନିଆ ଚାଷ ବେଶ ଭଲ ହେଉଛି । ଧନିଆ ପତ୍ରର ମଧ୍ଯ ବଜାରରେ ଭଲ ଚାହିଦା ରହିଛି । ଚାଷୀ ବଜାରକୁ ନେଇ ବିକ୍ରୟ କରିବା ପୂର୍ବରୁ ବ୍ୟବସାୟୀ ଆଗୁଆ ବରାଦ କରୁଛନ୍ତି । ଚାହିଦା ବଢୁଥୁବାରୁ ଚାଷୀ ଓ ବ୍ୟବସାୟୀ ସମସ୍ତେ ବେଶ ଖୁସି ପ୍ରକାଶ କରୁଛନ୍ତି । ଉର୍ବର ମାଟି ଓ ଅନୁକୂଳ ପରିବେଶ ଯୋଗୁଁ  ଭଲ ଧନିଆ ଚାଷ ହେଉଥିବାରୁ ଅଧିକ ଚାଷୀ ଧନିଆ ଚାଷ ପ୍ରତି ମନ ବଳାଉଛନ୍ତି ।