ହୁ ହୁ ହୋଇ ଜଳିଲା ଜିମ୍ , ନିଆଁ ଲିଭାଇବା ପାଇଁ ୪ଟି ଅଗ୍ନିଶମ ଗାଡି ନିୟୋଜିତ

ପାଟନା : ହୁ ହୁ ହୋଇ ଜଳିଲା ଜିମ୍ । ବିହାର ରାଜଧାନୀ ପାଟନାର ସିପାରା ଅଞ୍ଚଳରେ ଏକ ଜିମରେ ବଡ଼ ଧରଣର ଅଗ୍ନିକାଣ୍ଡ । ସୂଚନା ଅନୁଯାୟୀ, କୋଠାର ଉପର ମହଲାରେ ଥିବା ହେଲଥ କ୍ଲବ ଜିମରେ ଭୀଷଣ ନିଆଁ ଲାଗିଥିଲା। ନିଆଁ ଲାଗିବା ପରେ ଘଟଣାସ୍ଥଳରେ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା ଯାହାଫଳରେ ସେହି ଅଞ୍ଚଳରେ ବିଦ୍ୟୁତ କାଟ କରାଯିବା ସହ ଟ୍ରାଫିକ  ମଧ୍ୟ ବନ୍ଦ ରହିଛି।

ଖବର ପାଇ ଅଗ୍ନିଶମ ବିଭାଗର ଗାଡି ଘଟଣାସ୍ଥଳରେ ପହଞ୍ଚି ନିଆ ଲିଭାଉଛି। ନିଆଁ ଲାଗିବା ପରେ ବିଲଡିଂରୁ ପ୍ରବଳ ଧୂଆଁ ମଧ୍ୟ ଉଠୁଥିଲା। ଘଟଣାସ୍ଥଳରେ ନିଆଁ ଲିଭାଇବା ପାଇଁ ଅଗ୍ନିଶମ ବିଭାଗର ଚାରିଟି ଗାଡି ନିଆଁକୁ ଆୟତ କରିବାକୁ ଚେଷ୍ଟା କରୁଛନ୍ତି। ସର୍ଟ ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା କୁହାଯାଉଛି। ଅଗ୍ନିକାଣ୍ଡରେ ଜିମ୍ ସମେତ ବିଲ୍ଡିଂରେ ରଖାଯାଇଥିବା ଲକ୍ଷ ଲକ୍ଷ ଟଙ୍କା ପାଉଁଶ ହୋଇଯାଇଛି।