ଜଣଙ୍କ ନାଁରେ ୱାରେଣ୍ଟ ହେଲେ ଆଉ ଜଣକୁ ଉଠାଇ ନେଲା ପୋଲିସ

ପଟ୍ଟାମୁଣ୍ଡାଇ : ଜଣଙ୍କ ନାଁରେ ୱାରେଣ୍ଟ ହେଲେ ଆଉ ଜଣକୁ ଉଠାଇ ହାଜତରେ ପୁରାଇଲା ଆଳି ପୋଲିସ । ଦୀର୍ଘ ତିନି ଘଣ୍ଟା ଜଣେ ଶିକ୍ଷକଙ୍କୁ ହାଜତରେ ରଖିବା ପରେ ଛାଡିଲା ପୋଲିସ । ଶିକ୍ଷକଙ୍କ ଆଧାର କାର୍ଡ ଦେଖିବା ସହ ଗ୍ରାମବାସୀ ଥାନାରେ ପହଞ୍ଚିବା ପରେ ପୋଲିସ ଶିକ୍ଷକଙ୍କୁ ଛାଡିଦେଇଛି । ଏନେଇ ଶିକ୍ଷକ ଅଭିଯୋଗ କରିଛନ୍ତି ଯେ ବିନା ଦୋଷରେ ତାଙ୍କୁ ଜଣେ ଅପରାଧୀ ଭଳି ପୋଲିସ ଘରୁ ଉଠାଇ ନେଇ ହାଜତରେ ରଖିଥିଲା । ଥାନାରେ ଅଟକ ରଖିବା ଯୋଗୁଁ ତାଙ୍କର ସମ୍ମାନ ହାନି ହୋଇଛି । ଆଳି ପ୍ରାଥମିକ ଶିକ୍ଷକ ସଙ୍ଘର ସଦସ୍ୟମାନେ ଆଳି ଥାନାକୁ ଆସିଥିବା ବେଳେ ଆଳି ଥାନା ଅଧିକାରୀ ତାଙ୍କୁ ଦେଖା ଦେଇନଥିଲେ । ଯାହାଫଳରେ ପ୍ରାଥମିକ ଶିକ୍ଷକ ସଙ୍ଘର ସଦସ୍ୟମାନେ କେନ୍ଦ୍ରାପଡ଼ା ଜିଲ୍ଲା ଆରକ୍ଷୀଙ୍କ ଦ୍ୱାରସ୍ଥ ହୋଇଛନ୍ତି ।