ମହଙ୍ଗା ମାଡ଼ରୁ ନିସ୍ତାର ନାହିଁ । ପୁଣି ବଢ଼ିଲା ପେଟ୍ରୋଲ ଓ ଡିଜେଲର ଖୁଚୁରା ଦର । ପେଟ୍ରୋଲ ଲିଟର ପିଛା ୨ ଟଙ୍କା ୭୯ ପଇସା ଓ ଡିଜେଲ ଲିଟର ପିଛା ୨ ଟଙ୍କା ୮୮ ପଇସା ବୃଦ୍ଧି କରିଛନ୍ତି ରାଷ୍ଟ୍ରାୟତ୍ତ ତୈଳ କମ୍ପାନୀ । ପ୍ରିମିୟମ ପେଟ୍ରୋଲ ଲିଟର ପିଛା ଦର ବୃଦ୍ଧି ଘଟିଛି ୨ ଟଙ୍କା ୭୯ ପଇସା । ୧୧ ଦିନ ଭିତରେ ଲଗାତାର ଚତୁର୍ଥ ଥର ବଢିଲାପେଟ୍ରୋଲ ଓ ଡିଜେଲ ଦର । ବର୍ଦ୍ଧିତ ଦର ଅନୁଯାୟୀ ଭୁବନେଶ୍ବରରେ ପେଟ୍ରୋଲ ଲିଟର ବଢ଼ି ହେଲା ୧୦୯ ଟଙ୍କା ୧୫ ପଇସା । ଭୁବନେଶ୍ବରରେ ୧୦୦ ଟଙ୍କା ଟପିଲା ଡିଜେଲ ଦର । ଡିଜେଲ ଲିଟର ପିଛା ହେଲା ୧୦୦ ଟଙ୍କା ୮୦ ପଇସା । ପଶ୍ଚିମ ଏସିଆରେ ସଙ୍କଟ କାରଣରୁ ବାରମ୍ବାର ବଢ଼ିବାରେ ଲାଗିଛି ତେଲ ଦର । ନୂଆ ଦର ଅନୁସାରେ ଦିଲ୍ଲୀରେ ପେଟ୍ରୋଲ ଲିଟର ହୋଇଛି ୧୦୨ ଟଙ୍କା ୧୨ ପଇସା । ଡିଜେଲ ଦର ହୋଇଛି ୯୫ ଟଙ୍କା ୨୦ ପଇସା । ଦେଶରେ ପର୍ଯ୍ୟାପ୍ତ ତୈଳ ଗଚ୍ଛିତ ରହିଛି ବୋଲି କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରାଳୟ ପକ୍ଷରୁ କହିବା ପରେ ମଧ୍ୟ ଲଗାତାର ଦର ବୃଦ୍ଧି ଘଟିଛି । ଗତ ୧୫ ତାରିଖରେ ପେଟ୍ରୋଲ, ଡିଜେଲ ୩ ଟଙ୍କା ଲେଖାଏ ଓ ସିଏନଜି ୨ ଟଙ୍କା ବୃଦ୍ଧି ପାଇଥିଲା । ଗତ ୧୯ରେ ପେଟ୍ରୋଲ ଲିଟର ପିଛା ୯୬ ପଇସା ଓ ଡିଜେଲ ଲିଟର ପିଛା ୯୪ ପଇସା ବୃଦ୍ଧି ପାଇଥିଲା ।….
