କନ୍ଧମାଳ : କେବେ କାର୍ଯ୍ୟକ୍ଷମ ହେବ ଗୁଡ଼ାରୀ ଏୟାର ଷ୍ଟ୍ରିପ ? ପ୍ରତିଶୃତିରେ ଅଟକିଗଲା କି କାନ୍ଧମାଳର ବିକାଶ ? ରକ୍ଷଣାବେକ୍ଷଣ ଅଭାବରୁ ଜରାଜୀର୍ଣ୍ଣ ଅବସ୍ଥାରେ ପଡ଼ି ରହିଛି ଏୟାର ଷ୍ଟ୍ରିପ । ଉନ୍ନତିକରଣ ସହ ତୁରନ୍ତ କାର୍ଯ୍ୟକ୍ଷମ କରିବାକୁ ଦାବି। ପର୍ଯ୍ୟଟନ ସ୍ଥଳୀ ପାଇଁ ପ୍ରସିଦ୍ଧି ଲାଭ କରିଛି କନ୍ଧମାଳ । ବଣ ପାହାଡ଼ ଘେରା ସବୁଜିମାରେ ପରିପୂର୍ଣ୍ଣ ହୋଇଥିବାରୁ ଏଠାକୁ ଟାଣି ହୋଇ ଆସନ୍ତି ପର୍ଯ୍ୟଟକ l କିନ୍ତୁ ଜିଲ୍ଲାକୁ ଯାତାୟାତ ପାଇଁ ବସ୍ ସେବା ଛଡା ଅନ୍ୟ କୌଣସି ସୁବିଧା ନାହିଁ l ଏଠି ରେଳର ସୁବିଧା ମଧ୍ୟ ନାହିଁ । ତେଣୁ ବିଦେଶୀ ପର୍ଯ୍ୟଟକ ଆସି ପାରୁନାହାନ୍ତି l ସେପଟେ ଫୁଲବାଣୀ ଗୁଡାରୀ ଏୟାର୍ ସ୍ଟ୍ରିପ ଜରାଜୀର୍ଣ୍ଣ ଅବସ୍ଥାରେ ପଡିରହିଛି। ଏହି ଏୟାର୍ ସ୍ଟ୍ରିପ କୁ ରାଜ୍ୟ ସରକାର ଉଡ଼ାଣ ଯୋଜନାରେ ସାମିଲ କରି ଉନ୍ନତିକରଣ କଲେ ବିଦେଶୀ ପର୍ଯ୍ୟଟକ ଆସିପାରିବେ ବୋଲି ବୁଦ୍ଧିଜୀବୀ କହିଛନ୍ତି।
ରାଜ୍ୟ ସରକାର ଫୁଲବାଣୀର ଏହି ଏୟାର୍ ସ୍ଟ୍ରିପ କୁ ଉଡାଣ ଯୋଜନାରେ ସାମିଲ କରିଥିବା ମନ୍ତ୍ରୀ କହିଥିଲେ l କିନ୍ତୁ ଦୀର୍ଘଦିନ ବିତିଯାଇଥିଲେ ସୁଦ୍ଧା ସ୍ଥିତି ଯଥା ପୂର୍ବଂ ତଥା ପରଂ । ତେବେ ଏହି ଜିଲ୍ଲାରେ ଯଦି ଛୋଟ ଜାହାଜ ଆସେ ବୌଦ୍ଧ ସମେତ ଆଖ ପାଖ ୩ରୁ ୪ ଜିଲ୍ଲା ଉପକୃତ ହେବେ ବୋଲି ବୌଦ୍ଧ ବିଧାୟକ କହିଛନ୍ତି l ଅନ୍ୟପଟେ ଦାରିଙ୍ଗବାଡ଼ିକୁ ଶହ ଶହ ପର୍ଯ୍ୟଟକ ଆସୁଛନ୍ତି l ବାଲିଗୁଡାରେ ମଧ୍ୟ ଜାଗା ଚିହ୍ନଟ ହୋଇଛି l କନ୍ଧମାଳର ଭୌଗଳିକ ସ୍ଥିତି କୁ ଦେଖି ବାଲିଗୁଡ଼ା ଠାରେ ଏକ ହେଲିପ୍ୟାଡ଼ ଓ ଗୁଡ଼ାରୀ ଏୟାର ସ୍ଟ୍ରିପ ପାଇଁ ଦୁଇଟି ପ୍ରପୋଜାଲ ହେଉଥିବା କନ୍ଧମାଳ ଜିଲାପାଳ କହିଛନ୍ତି । ଏହି ଏୟାର ଷ୍ଟ୍ରିପ କାର୍ଯ୍ୟକାରୀ ହେଲେ ଜିଲ୍ଲାର ବିକାଶ ହେବା ସହ ପର୍ଯ୍ୟଟକଙ୍କ ଭିଡ଼ ବଢ଼ିବ। ଆର୍ଥିକ ଅଭିବୃଦ୍ଧି ସହିତ ବେକାର ଯୁବକ ଯୁବତୀ ରୋଜଗାର କ୍ଷମ ହୋଇପାରିବେ l
ଜରାଜୀର୍ଣ୍ଣ ଅବସ୍ଥାରେ ପଡ଼ି ରହିଛି ଫୁଲବାଣୀ ଗୁଡାରୀ ଏୟାର୍ ଷ୍ଟ୍ରିପ
