ଆରମ୍ଭ ହେଲା ପିତୃପକ୍ଷ, ପୁରୀର ବିଭିନ୍ନ ତୀର୍ଥ ପୁଷ୍କରିଣୀ ଓ ମହୋଦଧି କୂଳରେ ଶ୍ରଦ୍ଧାଳୁଙ୍କ ଭିଡ଼

ପୁରୀ : ଆରମ୍ଭ ହେଲା ପିତୃପକ୍ଷ । ପିତୃ ପୁରୁଷଙ୍କ ଉଦ୍ଦେଶ୍ଯରେ ତିଳ ତର୍ପଣ । ଆଶ୍ବିନ କୃଷ୍ଣ ପ୍ରତିପଦା ଠାରୁ ଅମାବାସ୍ୟା ଯାଏଁ ୧୫ ଦିନ ପାଳିତ ହେବ ଅପରପକ୍ଷ । ପୂର୍ବ ପୁରୁଷଙ୍କ ମୋକ୍ଷପ୍ରାପ୍ତି ଉଦ୍ଦେଶ୍ଯରେ ତିଳ ତର୍ପଣ ସହ ପିଣ୍ଡ ଦାନ କରୁଛନ୍ତି ଶ୍ରଦ୍ଧାଳୁ । ଏଥିପାଇଁ ପୁରୀର ବିଭିନ୍ନ ତୀର୍ଥ ପୁଷ୍କରିଣୀ, ମହୋଦଧି କୂଳରେ ଦେଖିବାକୁ ମିଳିଛି ଗହଳି । ହିନ୍ଦୁ ରୀତିନୀତି ଅନୁସାରେ ବ୍ରାହ୍ମଣଙ୍କ ଦ୍ବାର ପୂଜା କରୁଛନ୍ତି ଶ୍ରଦ୍ଧାଳୁ । ହିନ୍ଦୁ ଧାର୍ମିକ ବିଧି ଅନୁସାରେ ପିତୃପୁରୁଷଙ୍କ ଉଦ୍ଦେଶ୍ଯରେ ତିଳ ତର୍ପଣ କଲେ ପରିବାରର କଲ୍ଯାଣ ହୋଇଥାଏ ବୋଲି ବିଶ୍ବାସ ରହିଛି ।

ପିତୃପକ୍ଷ ପାଇଁ ଭୁବନେଶ୍ବର ତୀର୍ଥ ପୁଷ୍କରିଣୀ ବିନ୍ଦୁସାଗର କୂଳରେ ମଧ୍ଯ ସକାଳୁ ସକାଳୁ ଦେଖିବାକୁ ମିଳିଛି ଭିଡ଼ । ଫୁଲ, ରାଶି, ଚାଉଳ, ନୈବେଦ୍ୟ ନେଇ ଶ୍ରଦ୍ଧାଳୁ ମାନେ ପିତୃପୁରୁଷଙ୍କ ଉଦ୍ଦେଶ୍ଯରେ ତର୍ପଣ କରିବା ସହ ପୂଜାପାଠ କରିଛନ୍ତି । ବ୍ରାହ୍ମଣଙ୍କ ମନ୍ତ୍ରପାଠ ସହ ଏକାମ୍ର କ୍ଷେତ୍ରର ବିନ୍ଦୁସାଗର ପୁଷ୍କରିଣୀ କୂଳରେ ପିତୃପକ୍ଷଙ୍କୁ ସ୍ମରଣ କରି ପିଣ୍ଡଦାନ କରିଛନ୍ତି ଶ୍ରଦ୍ଧାଳୁ । ଯେଉଁ ମାନେ ପିତୃପକ୍ଷ ତିଥିରେ ତିଳ ତର୍ପଣ କରିପାରନ୍ତି ନାହିଁ ସେମାନେ ଦୀପାବଳି ଅମାବାସ୍ୟା ଦିନ ବଡ଼ବଡୁଆ ଡାକି ଶ୍ରାଦ୍ଧ ପ୍ରଦାନ କରିବାର ବିଧି ରହିଛି ।