ମୋଦି-ଜନସନ୍ ଆଲୋଚନା : ରୋଡ୍ମ୍ୟାପ୍ ୨୦୩୦ ଲଞ୍ଚ୍ କରିବେ ଦୁଇ ନେତା
1 min read
ନୂଆଦିଲ୍ଲୀ: ଆଜି ମୋଦି-ଜନସନ୍ ଆଲୋଚନା । ଇଂଲଣ୍ଡର ପ୍ରଧାନମନ୍ତ୍ରୀ ବୋରିସ୍ ଜନ୍ସନ୍ଙ୍କ ସହ କଥା ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭର୍ଚୁଆଲ ବୈଠକରେ ଉଭୟ ନେତା ଏକାଧିକ ପ୍ରସଙ୍ଗ ଉପରେ ଆଲୋଚନା କରିବେ । ଏହି ଅବସରରେ ରୋଡମ୍ୟାପ୍ – ୨୦୩୦ ଲଞ୍ଚ କରିବେ ଦୁଇ ନେତା । ରୋଡମ୍ୟାପ ଆଗାମୀ ଏକ ଦଶନ୍ଧି ମଧ୍ୟରେ ଭାରତ-ବ୍ରିଟେନ ସହଯୋଗକୁ ଆହୁରି ସୁଦୃଢ କରିବ । ଏଥିପାଇଁ ଆଜିର ବୈଠକ ବେଶ ଗୁରୁତ୍ବ ବହନ କରୁଛି । କରୋନାର ମୁକାବିଲା ନେଇ ବିଶ୍ବସ୍ତରରେ କିପରି ଉଦ୍ୟମ କରିହେବ ସେନେଇ ବୈଠକରେ ଆଲୋଚନା ହେବ । ଏହାସହ ବହୁମୁଖୀ ଯୋଜନା ସମ୍ବନ୍ଧୀୟ ରାଜିନାମା ସ୍ବାକ୍ଷରିତ ହେବାର କାର୍ଯ୍ୟକ୍ରମ ରହିଛି । ଭାରତରେ କରୋନା ସଂକ୍ରମଣ ବଢୁଥିବା ବେଳେ ବ୍ରିଟେନ୍ ସରକାର ଏକ ହଜାର ଭେଣ୍ଟିଲେଟର ପହଞ୍ଚାଇବା ପାଇଁ ଉଦ୍ୟମ ଆରମ୍ଭ କରିଛନ୍ତି । ବୋରିସ୍ ଜନସନ୍ ଏପ୍ରିଲ୍ ୨୫ରେ ଭାରତ ଆସିବାର କାର୍ଯ୍ୟକ୍ରମ ଥିଲେ ମଧ୍ୟ କରୋନା ପାଇଁ ଏହାକୁ ବାତିଲ୍ କରାଯାଇଥିଲା ।
